Квалитетната исхрана е клучна за одржување на густината и здравјето на коските, особено во менопаузата. Имено, после 50-та година од животот заради хормоналниот процес низ кој минува женското тело, густината на коските нагло се намалува, па се зголемува можноста за падови и скршеници. Заради тоа е важно во тој период од животот прехраната дополнително да се обогати со намирници кои на природен начин ќе го одржуваат здравјето на коските. Сепак, треба да се има на ум дека освен прехраната редовно треба да се контролира и состојбата на коските, да се држи до советите и упатствата на лекарите, како и да се зема терапија ако е потребна во случај на остеопороза.
„Секојдневно консумирајте намирници кои на вашето тело ќе му дадат доволни количества калциум – на жените им треба по 1 200 мг на ден, а на мажите 1 000 мг“, вели американската лекарка Кристине Гербстадт, авторка на Лекарската детокс диета.
Калциумот консумирајте го преку млечните производи (одбирајте сирења како чедар, јогурт или кефир), јаткасти плодови, тофу, а не заборавајте и на зелениот листест зеленчук, како што се кељот, брокулите и прокељ.
На пример, мал сад полн со кељ содржи околу 90 мг калциум, а чаша млеко околу 300 мг. Во еден портокал може да има до 60 мг калциум. Друга исклучително важна намирница за коските е витаминот Д, кој на организмот му помага правилно да го апсорбира калциумот од цревата. Освен со редовни прошетки на сонце (вежбањето е, исто така, важно за здрави коски), витаминот Д ќе го добиете и од рибите како што се лососот и сардините, но и од јајцата и црниот дроб. Притоа не заборавајте редовно да ја контролирате густината на коските!
Едноставни и фини рецепти за секој ден
Супа од кромид со кељ – Исечениот лук и кељ потпечете ги на маслиново масло, па сето иситнете го со блендер, односно блендирајте се додека не добиете густа супа. Додајте павлака.
Пилешки гради и лук – Градите наполнете ги со лук и испечете ги. Протеините од месото и калциумот од зеленчукот се идеална комбинација.
Праски и јогурт – Крем од овошје по избор во комбинација со грчки јогурт е одличен извор на калциум и витамини.
Тестенина – Одберете интегрални тестенини, богати со калциум и комбинирајте ги со домати или сирење.
Важна е активноста
Коските на правилно и умерено оптоварување реагираат со зголемување на густината. Заради тоа би било добро секојдневно да одвоите по 30 минути за едноставна прошетка, а редовно користете и скали.
