Преработки од месо
На самиот врв на храна која треба да се одбегнува се наоѓаат преработките од месо. Салама, шунка, сланина и слично се преполни со нездрави масти. Можe да имаат и до 400 проценти повеќе натриум и 40 проценти повеќе додатоци отколку непреработеното црвено месо. Најлоша работа е што во се има хемикалии, односно додатоци кои се поврзуваат со различни видови на рак, а ја интензивираат бојата, вкусот и го спречуваат предвремено расипување на храната.
Диеталните пијалаци се поврзани со депресија, расипување на забите, зголемен ризик од мозочен и срцев удар, рак на панкреасот и предвремено породување
Маргарин
Маргаринот се прави од растително масло и има помалку холестерол и заситени масти од путерот, па долго време важеше за подобра опција отколку путерот. Но сега експертите велат дека холестеролот и не е толку штетен за организмот како што се мислеше порано, а во маргаринот се наоѓаат транс масти кои се поврзуваат со запушување на артериите. Покрај тоа, маргаринот ќе го зголеми крвниот притисок и ризикот од срцеви заболувања. Порадо изберете некој друг извор на масти, како што е маслиновото масло или путер.
Газирани пијалаци
Сите знаеме дека газирани пијалаци не се најдобриот избор. Едно шише таков пијалак содржи околу 10 супени лажици шеќер. Кога консумираме толку многу шеќер, телото одговара со прекумерно производство на инсулин. Со тек на времето, може да се развие дијабетес, но, исто така, и некои видови на рак. Количината на бојата која се наоѓа во една лименка газиран пијалак е поврзана со 58 отсто повисок ризик од рак, покажале истражувањата.
Диетални газирани пијалаци
Некои немаат шеќер, но имаат вештачки засладувачи, кои не се добра опција за здравјето. Со тек на време многу од слатките засладувачи можат да влијаат на вашиот вкус, така што, на пример, ќе забележите дека овошјето повеќе нема ист вкус како порано. Диеталните пијалаци се поврзани со депресија, расипување на забите, зголемен ризик од мозочен и срцев удар, рак на панкреасот и предвремено породување.
Пуканки од микробранова печка
Проблемот се крие во ќесичките во кои се наоѓаат пуканките. Тие се обложени со хемикалија која го зголемува ризикот од рак и ја намалува функционалноста на бубрезите. Покрај тоа, некои брендови на пуканки користат нездрави транс-масти за да им дадат што „подобар“ вкус.
Покрај тоа, експертите предупредуваат дека треба да избегнувате каква било храна која содржи повеќе од 15 различни состојки на пакувањето.
