Вежбите за дишење од овој тип помагаат да се смириме кога сме под стрес или кога навечер не можеме да заспиеме. Зошто забавеното дишење не смирува? Научниците од Стенфорд неодамна објасниле каков механизам се крие зад оваа техника на дишење.
Ритамот на дишење влијае на срцевиот ритам, но тоа не е се. Имено, мозокот, исто така, го следи ритамот на вдишувања и издишувања. Невроните кои го контролираат рефлексот на дишење се поврзани со друга група неврони кои ги регулираат вниманието, вознемиреноста, стресот и анксиозноста. Нашата состојба т.е. дали сме под стрес или сме смирени затоа зависи од типот на дишење т.е. од тоа дали дишеме во ист ритам или забрзано, дали се смееме, зеваме или сме задишани.
Кога сме под стрес, ако почнеме побавно да дишеме, мозокот ќе добие сигнал дека дишењето е забавено што укажува на смиреност, па ќе дојде до регулирање на расположението.
