Чувањето на четкичката за заби над мијалникот, па дури и во ормарче ја изложува истата на бактерии и микроби. Ако сте помислиле дека решение е капаче за четкичка, грешите.
Како правилно се чува четкичката?
Најважната работа при чувањето на четкичката е да одбегнете изложеност на бактерии. Топлите и влажни места им помагаат на бактериите да растат и да се размножуваат. Првата работа што треба да ја направите е да ја оставите четкичката потполно да се исуши. Пред и после користење добро измијте ја под млаз топла вода за да ја остраните сета нечистотија од неа. Посветете внимание и на дршката – секогаш бришете ја по користење. Внимавајте никаде на неа да нема наслаги од стара паста за заби.
Како да се дезинфицира чекткичката?
Ако сметате дека на вашата четкичка и е потребна дополнителна дезинфекција, можете да ја потопите во антибактериска водичка за испирање уста и да ја оставите да стои околу 15 минути, а потоа добро да ја исперете. Внимавајте да не стои подолго, бидејќи така може да ја оштетите.
Електричните четкички може да се посебно комплексни за одржување. Местото меѓу дршката и главата на електричната четкичка претставува совршено место за развој на бактерии и мувла. За да го спречите ова, после секое миење одвојте ја дршката од главата и добро исчистете го тој дел. Исто така, можете да ги чувате деловите одвоени додека во целост не се исушат.
