Втор позитивен КОВИД тест поради омикрон добиваат се повеќе граѓани. Според последниот неделен извештај на Институтот за јавно здравје од 9 јануари, а се однесува за претходната недела, меѓу вкупно заболените регистрирани се 2.134 реинфекции (0,9%), од кои четири се втори реинфекции.
ВАКЦИНИРАНИТЕ НАЈЧЕСТО ИМААТ ПОБЛАГИ СИМПТОМИ
Сепак, вакцинираните и прележаните најчесто поминуваат со поблаги симптоми.
Лекарите велат дека омикрон најверојатно го избегнува претходно стекнатиот имунитет и тоа зашто што омикрон се однесува речиси како нов вирус. Постојат и примери на лица кои еден месец по прва инфекција со коронавирус, повторно се заразил.
“Од тие причини најверојатно ќе треба да се сменат препораки да по прележување се почне порано да се вакцинира, на пример три месеци по прележувањето“, појаснуваат лекарите.
СО ОМИКРОН ТЕШКО Е ДА СЕ ОСТАНЕ НЕЗАРАЗЕН
“Оние кои прележале КОВИД-19 треба да се вакцинираат по прележувањето, независно дали претходно биле вакцинирани или не“, нагласуваат епидемиолозите.
Бидејќи со омикрон – тешко е да се остане незаразен.
Проф. Алемка Маркотиќ, директор на Клиниката за инфективни болести во Загреб појаснува дека од заразата, постоечките вакцини не штитат во висок процент, туку до 30 проценти.
Но, во многу поголем процент и понатаму штитат од одење во болница и смртен исход.
ЗАШТИТА ПО ВАКЦИНА
Проф. Маркотиќ наведува дека две дози штитат и до 65 и повеќе проценти, а третата бустер доза над 80 до 90 проценти – од тешки форми на болеста и смрт.
Лекарите нагласуваат дека токму невакцинираните се резервоар на нови варијанти на вирусот, кои го диктираат развојот на епидемијата.
Светската здравствена организација процени дека во наредните неколку недели со омикрон ќе биде заразена половина Европа.
