Мушмула, дрен и дива јаболка, се овошки кои растат по шумите и на падините. И покрај нивната лековитост и повеќенаменска употреба во кујната, ретко се одгледуваат во пластеници. Да се потсетиме на нивната употреба и лековитост.
МУШМУЛА
Во народната медицина се смета дека мушмулата го подобрува видот. Исто така, ги зајакнува бубрезите и црниот дроб, ја обновуваат крвта, добри се против болки во грбот и колената и против вртоглавица. Мушмулата содржи многу витамин Ц, шеќери и пектин.
ДИВО ЈАБОЛКО
Овие плодови се цврсти и кисели, а содржат и многу пектин. Од нив се прави популарниот јаболков оцет. Помешан со мед и вода, претставува лек за многу тегоби и позитивно делува на човечкиот организам. Јаболкото е многу лековито, па затоа често се употребува во подготовка на разни чаеви. Позитивно влијае на добриот сон, ефикасно е и против хроничен замор, труење, висок притисок, несвестица, прекумерна телесна тежина, главоболка, мигрена, пролив, повраќање, вртоглавица, болки во грлото, зајакнување на зглобовите, изгореници, проширени вени. Дали сурова, или печена, јаболката го забрзува варењето на храната.
ДРЕНКА
Уште една намирница од листата на запоставено овошје. Плодовите на дренот се црвени мали топчиња со семка во средината. Младите дренки се светлоцрвени, додека зрелите се темноцрвени. Плодовите од дренот од многу оддамна се познати и ценети. Богати се со витамини и минерали. Инаку, плодот, кората, коренот и листот се многу ефикасни при лекувањето на проблеми во дигестивниот тракт.
