Бактериското воспаление на увото и неговите последици некогаш биле главни причини за наглувоста, додека денешниот начин на живот доведува до разни метаболички и токсични оштетувања на слухот, поврзани со општото стареење на населението, изложеноста на стрес, бука, но и наследни фактори. Наглувоста денес не е проблем само на повозрасната популација, туку се повеќе млади лица имаат проблем со слухот.
Светската здравствена организација предпредува дека 50 проценти од лицата на возраст од 13 до 50 години, може да развијат проблеми со слухот поради силната бучавост.
- Во ушите ви шумоли или во ѕвони
Ако повремено ги доживувате овие симптоми, може да станува збор за првни знаци на губење на слухот.
“Кога се околу вас е тивко, а вие во позадина слушате зуење и тоа често се случува, можно е да е оштетен нервот во увото“, смета проф. Роберт Пинкус, оториноларинголог.
- Губите рамнотежа
Ако сте забележале дека често губите рамнотежа, можеби не е во прашање вашата неспретност, туку во прашање е сериозен симптом.
“Кога луѓето го губат слухот, целото внимание го насочеуваат на тоа за да повеќе слушнат и не го забележуваат симптомот како губењето на баланост“, појаснува д-р Џим Черукури, оториноларинголог од Чикаго.
- Заборавате работи
“Голем дел од меморијата е зависна од она што го слушаме, а тешко е да се запомнат работи кои не сте ги слушнале“, потесетува д-р Черукури.
Како старееме, губењето на слухот може да означува и почеток на когнитивно пропаѓање, а причината е таа што губењето на слухот често води до социјална изолација, која го зголемува ризикот од когнитиво пропаѓање.
- Ви пречат гласни звуци
Звук на свирка на автомобил може да иритира, но не би требало да создава чувство на болка. А, ако на вас така делува, можно е да се работи за симптом на губење на слухот.
“Кога е во прашање губењето на слухот, увото има помала способност за ‘стишување’ на гласните звуци, што може да предизвика болка во него кога сте опкружени со бучава. Болката е тешко да се опише, но би можело да се каже дека се работи за силна и оштра болка“, вели проф. Пинкус.
- Постојано велите “што“?
Доколку тешко слушате на места каде има бучава, како ресторан, не ја обвинувајте лошата акустика или гласните разговори.
“Уво кое е здраво може да препознае гласови и покрај бучавата. Ако тоа не ви поаѓа од рака, можеби се работи за ран знак на губење на слухот“, смета проф. Пинкус.
