Утрото е најдобриот дел од денот кога треба да се погрижите за забрзување на метаболизмот, бидејќи од тоа зависи колку штетни материи и маснотии ќе се акумулираат во телото.
Брзината на метаболизмот зависи од различни фактори, како што се генетиката, тежината или возраста. Кај повеќето луѓе, метаболизмот се забавува во четириесеттите години, и затоа на оваа возраст доаѓа до зголемување на телесната тежина.
Но, иако се чини дека сето тоа е надвор од наша контрола, сепак, постојат начини со кои можеме да влијаеме на брзината на метаболизмот. А, тоа значи, колку е побрз, ќе согоруваме повеќе калории.
Исхраната да содржи повеќе протеини
Не јадете премногу доцна, тоа е грешка што ја прават голем број луѓе. Сѐ почесто ни се случува да немаме време за појадок, но оваа нездрава навика е штетна за вашиот метаболизам. Ако појадувате штом ќе се разбудите, метаболизмот ќе почне да работи порано. А најдобро е да се јаде појадок богат со протеини, кој ќе даде енергија за успешен почеток на денот.
Вежбањето наутро согорува повеќе калории, отколку вежбањето во кој било друг дел од денот. Можете да најдете вежби и тренинзи кои не одземаат многу време и лесно да ги уфрлите како дел од вашата утринска рутина.
Јадете почесто, никако еднаш во денот
Големината на мускулите е многу важна бидејќи метаболизмот во мирување е многу побрз кај луѓето со поголема мускулна маса. Запомнете дека на телото му треба вода за да согорува калории, па дури и при лесна дехидратација, метаболизмот се забавува.
Честите оброци се одличен начин за забрзување на метаболизмот, така што не е чудно луѓето кои постојано грицкаат нешто да бидат послаби. Идеални закуски се свежо овошје, салати, житарки … Лута и зачинета храна исто можат да го поттикнат метаболизмот, како на пример една лажичка чили.
Не седете премногу
Бројни студии покажуваат дека долготрајното седење директно влијае на метаболизмот. Се препорачува истегнување и лесна вежба на секои 30 минути.
Спијте доволно
Недостатокот на сон доведува до недостаток на енергија, што значи дека телото во текот на денот ќе користи помалку калории. Редовното и доволно спиење е од клучно значење, не само за телесната тежина, туку и за здравјето во целина.
Контра ефектот на намалувањето на калории
Ако го намалите внесот на калории, вашето тело ќе реагира со забавување на метаболизмот, апсорпција на сите достапни калории и чување резерви. Намалувањето на калориите е важно во процесот на губење на тежина, но ако е премногу драстично, ќе има контра ефект.
Недостаток на протеини
Протеините играат важна улога во постигнувањето и одржувањето на идеалната тежина. Во споредба со јаглехидратите и мастите, протеините имаат релативно висок „термички ефект на храната“, параметар кој го мери зголемувањето на метаболизмот што се јавува по варењето. Протеините брзо ќе ве заситат, па ќе се чувствувате најадени со најмалку внесени калории.
