Срцевиот удар или инфаркт на миокардот е водечка причина за смртност во светот. Сега, нова студија покажала дека ризикот од срцев удар предизвикан од жештина, од топлото време, значајно е зголемен последните неколку години. Исто така, за време на истиот временскии период не се забележани споредбени промени во ризикот од срцев удар во периодот на студено време.
Инаку, познато е дека околината може да има големо влијание на човечкиот кардиоваскуларен систем. Долго се претпоставувало дека изразеното нагло растење на температурата го зголемува ризикот од срцев удар.
Ова истражување покажало дека лицата со дијабетес биле посебно изложени на ризик од срцев удар поврзан со топлината.
Се смета дека порастот на зачестеноста на срцевиот удар поврзан со топлото време, делумно е последица на глобалното затоплување, но дека тоа исто така е последица и на зголемувањето на ризик факторите како што се дијабетесот, што ги прави луѓето чувствителни на топлото време.
Истовремено се смета дека поголемо внимание треба да се посвети на високите температури како потенцијален тригер за срцеви удари.
