Депресијата кај мажите кои сакаат да станат родители може да ги намали нивните шанси да станат татковци, покажала новата студија. Интересно е дека депресијата кај жените не била поврзана со пониска стапка на забременување. Но жените кои за време на лекување на својата неплодност земале антидепресиви познати како неселективни инхибитори на повторно преземање на серотонин (non-SSRIs) имале три пати поголема веројатност од спонтан абортус во првото тромесечје од бременоста.
Спротивно на тоа, земањето на антидепресиви од групата на селективни серотонински инхибитори (SSRIs) не е поврзано со ризик од спонтан абортус.
Во истражувањето учествувале 3 200 мажи и жени, а од нив, малку повеќе од 2 отсто од мажите и 6 проценти од жените, имале активна депресија
Се верува дека резултатите од оваа студија им обезбедуваат нови информации на пациентите кои се лекуваат од неплодност, како и на лекарите, кои треба добро да се разгледаат при донесување на одлука околу лекувањето, пишува „Fertility and Sterility“.
