Објавени се нови фотографии на вирусот SARS-CoV-2 направени со електронски микроскоп, пренесува порталот Live Science. На сликите, вирусите можат да се видат како мали, кружни формации. Овие долгнавести форми кои наликуваат на тестенини, се т.н. цилии, структиру кои се наоѓаат на површината на некои клетки во органите за дишење.
Неверојатните нови фотографии прикажуваат како новиот коронавирус ги напаѓа клетките во дишните органи на човекот. Сликите нудат увид во тоа колку голем број на вируси се создаваат за време на една инфекција. Секоја заразена клетка може да произведе илјадници вируси.
Камила Ехре, професорка на Институтот за белодробни болести на Универзитетот во Северна Каролина ги снимила фотографиите со помош на електронски микроскоп, уред кој користи фокусиран зрак на електорни за создавање на слики.
Долгнавестите формации на цилиите се споени со нишки од мукозни (слузави) супстанци кои наликуваат на мрежа која природно е присутна во воздухот.
Вирусите на SARS-CoV-2 изгледаат како малии топчиња. При поголемо зголемување, може да се забележат и шилести формации на површината на вирусот. Тие форми кои наликуваат на круна се причината за името на сите коронавируси. Вирусот, токму тие шила ги користи при инфекција на клетките.
