Многу од нас страдаат од несоница, често не знаејќи што се крие зад проблемот со спиењето. Но, нова студија дала траг во вистинска насока. Научниците информираат за значајна поврзаност помеѓу несоницата кај постарите лица и нивото на вештачка светлина.
Нови истражувања издвоиле податоци од Националната служба за здравствено осигурување во Јужна Кореја од 2002-2013 година, користејќи лекови кои помагаат кај несоницата, како показател на потешкотиите со спиењето. Изложеноста на вештачка светлина е забележана преку сателитски податоци и мапирана на станбените површини. Вкупно се користени податоци од 52.027 лица на возраст од над 60 години. 60% од испитаниците биле жени.
Луѓето од местата каде има поголемо светлосно загадување, не само што ги пиеле овие лекови, туку ги користеле подолго време во поголеми дози.
„Нашите резултати потврдуваат дека надворешната, вештачката, ноќната светлина може да се поврзе со недостатокот на сон„, вели еден од истражувачите Кјонг-бок Мин од Националниот универзитет во Сеул, Јужна Кореја.
Ова не докажува дека светлосните загадувања се единствена причина кои предизвикуваат несоница – има и други причини кои не се гледале во оваа студија.
Претходни истражувања покажуваат дека квалитетот и траењето на сонот е од витално значење за нашето здравје, од стареење на кожата до здравјето на срцето. Ако не добиваме доволно сон, тогаш целото тело страда.
„Со оглед на неодамнешните научни докази кои ги вклучуваат нашите резултати, силните надворешни светла може да бидат нов фактор за ризик за препишување на хипнотични лекови„, изјавила д-р Мин.
