Одложувањето на работите на сите ни е често нормално однесување и неколку часа нема да значат опасност за животот, но е можно на организмот да му нанесе штета ако “трпите“ или немате навика редовно да го празните мочниот меур.
Здрав меур може да задржи околу 460 мл урина, а на телото му се потребни околу 10 часа да ја произведе таа количина. Токму толку часови може да издржите без одење во тоалет, а да не ги оштетите органите. Во најлошото можно сценарио, мочниот меур може да се растегне за да ги задржи и повеќе од споменатата количина на урина, но ако од некоја причина не можете да одите во тоалет, или забележите дека детето ви трпи, имате право за загриженост.
Меурот е орган кој се шири и собира, но процесот на празнење на меурот не е сличен со контракциите на мускулите. Урината се филтрира кога од бубрезите патува до меурот, еднаш кога содржи 700мл урина, се смета дека е полн.
Истражувањата покажуваат дека мочниот меур е директно поврзан со мозокот и е полн со рецептори кои на мозокот му кажуваат колку е полн. Може да се замисли дека постои една невидлива линија на меурот која, кога урината ќе дојде до тоа ниво, на мозокот му јавува дека е време да се испразни.
Кога прв пат ќе почувствувате потреба за мокрење, меурот веројатно може да прими уште течности, но кога е полн, мускулите околу него се стегаат за урината да не протече надвотжр, додека не го испразните.
Компликации и други здравствени проблеми кои може да се предизвикаат ако мочниот меур не се празни на време се инконтиненција, преактивен меур или задржување урина.
ОПАСНОСТИ ОД ЗАДРЖУВАЊЕ УРИНА
Опасности од задржувањето на мочката се бројни, но нема да дојде до големи штети ако никако не можете да отидете во тоалет 6 часа. Но, ако постојано избегнувате и постојано “трпите“, може да дојде до компликации. Еве неколку опасности кои може да ги предизвикате со задржување на урината:
- Ако не го празните меурот редовно или дури цел ден, резултатот може да биде инфекција на уринарниот тракт.
- Ако задржувате урина оти тоа ви е навика, меурот може да атрофира, а со тек на време да се развие и инконтиненција.
- Кога задржувате урина и повеќе од 10 часа, може да дојде да меурот не може да се опушти дури и ако сакате да мокрите.
- Во ретки случаи, задржувањето на урината може да предизвика пукање на мочниот меур.
