Шпанските научници предупредуваат дека децата на патот до училиште се изложени на загадување на воздухот кое неповолно влијае на способноста за памтење. Имено, фините честички од воздухот кои се резултат на издувните гасови од превозните средства погубно делуваат по когнитивниот развој на децара. До овој заклучок научниците дошле врз основа на истажување во кое учествувале 1 200 деца на возраст од 7 до 10 години од 39 училипта во Барселона.
За време на 12 месеци мерени се нивоата на загадување на воздухот токму на патот од дома до училиштата на учениците, а потоа испитувана била способноста за внимание и краткорочна меморија кај децата.
Авторите на студијата заклучиле дека дури и краткотрајните изложувања на високи концентрации на загадување може да доведат до забавување на развојот на краткорочно памтење кај децата. Тие напоменуваат дека ни децата кои на училиште одат со превоз не се поштедени од ефектите на загадување на воздухот, како и дека единственото решение е намалување на бројот на возила по улиците и осмислување посигурни помалку загадени патишта од дома до училиште.
