Возењето велосипед е добар начин за рекреaција, меѓутоа, загадениот воздух во градските средини може да предизвика оштетување на белите дробови. Многу е важно да се работи на подигнување на свеста за влијанието на загадениот воздух врз здравјето.
Познато е дека во воздухот се наоѓаат бројни загадувачи кои може да предизвикаат оштетување на белите дробови. Загадувачите од издувните гасови особено се опасни, бидејќи честичките кои ги емитуваат, може да доспеат подлабоко во белите дробови. Кај луѓето со болести на респираторните органи, овие загадувачи може да предизвикаат иритација на дишните патишта како и тешкотии при дишењето.
Извори за загадувањето на воздухот се гасови: сулфур диоксид, јаглерод моноксид, азот диоксид и озон. Овие гасови може да доведат до иритација, воспаление и стеснување на дишните патишта, како и до намалување на количината на кислород во крвта, што влијае на работата на белите дробови.
Иако е добро познато влијанието на загадениот воздух на општата популација, направени се неколку истражувања со цел да се утврди влијанието на загадениот воздух врз функцијата на белите дробови кај велосипедистите. Овие истражувања кои биле базирани врз претпоставки дека велосипедистите при возење дишат подлабоко, покажале дека тие вдишуваат пет пати повеќе загадувачи, отколку луѓето кои се возат со автомобил, или оние кои користат јавен превоз.
Од друга страна, постојат и докази дека луѓето кои се возат со автомобил или користат јавен превоз, изложени се на поголем ризик од вдишување на штетни материи во воздухот, бидејќи се наоѓаат во окружување каде циркулацијата на воздухот е ограничена.
