Познато е дека дишењето на загаден воздух не е добро за здравјето, а во тој контекст е и новото истражување, кое покажало дека трудниците кои дишат загаден воздух за време на бременоста ги изложуваат своите деца на ризик од развој на хипертензија.
Резултатите од оваа студија се уште еден доказ дека изложувањето на загаден воздух може да влијае на вашето здравје и на здравјето на вашето дете.
Децата кои биле изложени на највисоки нивоа на загаденост на воздухот со ситни честички во подоцнежната бременост имале 61 отсто поголема веројатност да заболат од хипертензија.
Според мислењето на специјалистите, трудниците би требало да избегнуваат области со загаден воздух за да го зачуваат здравјето на нивните деца.
Други фактори кои влијаат на крвниот притисок на детето се телесната тежина при раѓањето и пушењето на мајката, пишува „Hypertension“.
