Модерниот начин на живот е толку бурен што ретко имаме време да застанеме и да го слушнеме своето тело. Кога нешто ќе се промени во организмот, или тоа не го забележуваме или едноставно мислиме дека за кратко време се ќе биде во ред. Сепак, постојат некои симптоми кои укажуваат на сериозни болести и кои не треба да се игнорираат.
Погледнете кои сигнали ги испраќа телото, а кои предупредуваат дека нешто не е во ред.
Необјасниво намалување на килограмите
Ако изненадно ослабете без диета и вежбање, обрнете внимание. Причините може да бидат различни: хроничен стрес, дијабетес, рак… Веднаш побарајте лекарска консултација.
Хроничен замор
Понекогаш се чувствуваме навистина исцрпено, но ако сте заморни подолго од две седмици, дури и ако доволно спиете, посетете лекар. Овој симптом може да биде предизвикан од проблеми со штитната жлезда, болести на срцето и недостаток на витамин Д.
Промени на градите
Секоја жена треба да направи самопреглед на градите еднаш месечно. Ако забележите било какви промени (во бојата, обликот, јазли и слично), веднаш побарајте стручна помош.
Забрзана работа на срцето
Не мора да одите на лекар ако срцето силно ви чука за време на физичка активност или кога сте нервозни, но ако ви чука срцето и без вакви влијание, дефинитивно треба да обрнете внимание.
Промени на бенките
Ако сте забележале нови и необични бенки или старите ја промениле формата и бојата, посетете специјалист. Особено обрнете внимание ако поминувате подолго време на сонце.
Надуеност
Сите чувствуваме надуеност по обилен оброк. Но, ако надуеноста не е поврзана со оброците, можеби имате проблем со јајчниците. Ако брзо се заситувате или чувствувате болка во карлицата посетете гинеколог.
Ненадејно губење на видот
Ако сте забележале дека видот изненадно ви се променил, гледате двојно, посетете очен лекар. Ако е проследено со губење на рамнотежа, вртоглавица, промени во говорот и промени во изразот на лицето и вкочанетост на едната страна од телото, веднаш повикајте итна помош: овие знаци се симптоми на шлог.
