Спаѓате ли во оние кои едноставно не можат да дочекаат да го облечат штотуку купеното парче гардероба? Тоа е сосема разбирливо, но секое новокупено парче гардероба задолжително треба да се испере пред првото облекување, советуваат експертите. Да ве потсетиме – вие не сте првата личност која ја пробала „извесната“ кошула, маица или фармерки.
Дерматологот Доналд Белсито од Медицинскиот центар на Универзитетот Колумбија за „Today“ вели дека видел случаи кога габите од човекот се преселиле на облеката и се пренеле на лицето кое го облекло новото парче гардероба без претходно да го испере.
Белсито, исто така, лекувал и пациенти кои со носење неиспрана нова гардероба заработиле шуга.
Хигиената е половина здравје, а секако треба да се има на ум дека облеката во продавниците може да стои изложена подолго време и дека најверојатно вие не сте првата личност која макар и на кратко ја облекла оваа гардероба
Покрај пренесувањето на габи и други инфекции кои се закана за здравјето, треба да имате на дека и хемикалиите со кои е третирана облеката, а кои остануваат по производството, може да предизвикаат иритација на кожата и чешање.
Токму затоа загрижуваат резултатите од анкетата на „Today“, кои покажуваат дека дури 73 отсто од луѓето не ја перат облеката откако ќе ја купат и веднаш ја облекуваат.
