Болка, грчеви во стомакот, хронична дијареа и замор се само некои од симптомите кои ќе се појават кај луѓето кои боледуваат од Кронова болест, а кај некои пациенти тегобите нема да се ни појават и болеста ќе се открие само со детекција на компликациите како што се слабокрвност или неправилни менструални циклуси кај жените. Кроновата болест спаѓа во групата на воспалителни болести на цревата.
“Освен наведените симптоми, се карактеризира и со нејасно зголемување на телесната температура, губење на апетит, ненамерно губење на телеснта тежина, несоодветен раст и физички развој кај децата и адолесцентите, како и повремена појава на крв во столицата. КБ може да зафати кој било дел на дигестивниот канал (од устата до анусот), а најчесто го зафаќа спојот на тенкото црево со дебелото црево. Типично ги зафаќа сите слоеви на дигестивниот канал, а болеста се карактеризира со појава на „прескокнувачки лезии“, односно изолирани области на дигестивниот канал погодени од болеста, меѓу кои има сегменти од здрав дигестивен канал, вели прим. д-р Ведран Томашиќ, специјалист по интерна медицина и гастроентерологија.
“Да дознаете дека боледувате од воспалителна болест на цревата во основа е тешко и стресно. Нема сомнеж дека живеењето со оваа болест е предизвик, бидејќи пациентите се принудени да направат одредени прилагодувања. Денешниот пристап е да се намали фактот дека болеста го менува животот, со продолжување на нормален живот во развиена мрежа на луѓе кои се поддршка. Притоа, секако треба да се следат упатствата на вашиот лекар за редовно земање лекови, дури и кога пациентите се чувствуваат добро“, истакнува докторот.
ВАЖНО Е БОЛЕСТА ДА СЕ ЛЕКУВА
Долготрајната активна и нелекувана КБ може да доведе до развој на компликации на болеста како што се формирање на фистули (абнормален „канал“ што го поврзува цревото со кожата, друга цревна вијуга, вагината, мочниот меур), кои најчесто се јавуваат во перианалниот регион, објаснува докторот и додава:
“Исто така, постои можност за појава на стриктури (воспалително или лузнесто стеснување на дигестивниот канал), апсцес (акумулација на течност надвор од цревата која содржи течност, бактерии, гној), интестинална инконтиненција, анемија и токсичен мегаколон. Дијагнозата на КБ се поставува кај пациенти со симптоми и знаци кои укажуваат на IBD, со користење на комбинација на тестови на крвта (присуство на воспаление, анемија, антитела, нутриционистички/витамински дефицит), тестови на столицата (исклучување на инфекција и присуство на воспаление), колоноскопија (ендоскопија на крајот на тенкото црево и целото дебело црево), езофагогастродуоденоскопија (ендоскопски преглед на хранопроводникот, желудникот и почетокот на тенкото црево), ендоскопија на тенкото црево со видео капсула, ултразвук на абдоменот, ултразвук на цревата (интестинален ултразвук) и МР/КТ ентерографија и МР карлицата (сликовна визуелизација на дигестивниот канал за да се процени активноста на воспалението, степенот на болеста и откривање на можни компликации)“.
Главните цели на лекување на Кроновата болест се постигнување ремисија на болеста и нејзино долгорочно одржување. Важно е пациентите со кБ да продолжат да работат на подобрување на нивното општо здравје. Заедно со лекувањето на КБ и контролите кај гастроентеролог, треба да одржувате редовна физичка активност и да не пушите.
