Заморот може да ја намали работна ефикасност, концентрацијата, негативно да влијае на работата, па дури и на приватниот живот. Препознајте ги замките на заморот и проучете каде оди вашата енергија.
НЕДОСТАТОК НА СОН
Немојте да ги затворате очите пред очигледниот факт: најчеста причина за заморот е недостаток на сон. Ако сте работохоличар или ноќна птица, недоволно сон може да биде причина за вашиот замор. На телото на просечен човек му се потребни од 7 до 8 часа сон, за да се одмори и зајакне за секојдневните активности. За тинејџерите се препорачува уште повеќе сон,бидејќи нивниот млад организам е во процес на развивање, а истражувањата ја докажале поврзаноста меѓу недостаток на сон и депресија кај адолесцентите.
АПНЕА
Некои лица веруваат дека спијат доволно, меѓутоа оваа подмолн тегоба им го нарушува ефектот на сонот. Апнеа е застој на дишењето при спиење, а лицето во тој момент се буди иако не се свесни за тоа. Резултат е немирен и испрекинат сон, па и хроничен замор.
НЕДОВОЛНО ХРАНА
Недоволниот внес на храна е очигледен знак за замор, меѓутоа погрешниот избор на намирници кои се консумираат може да бидат проблем. Ако денот го започнувате со крофни т.е со празни калории, шеќерот во крвта нагло ќе се зголеми. Резултат е – замор! Богато појадувајте, сепак првиот оброк во денот е најважен. Вклучете протеини и сложени јаглехидрати, како што се јајца и житарки, за да имате доволно енергија.
АНЕМИЈА
Анемијата е главна причина за недостаток на енергија кај жените. Се јавува кога во телото нема доволно црвени крвни зрнца кои пренесуваат кислородот до ткивата и органите. Со обична крвна слика може да дознаете дали сте анемични или не. Анемијата се третира различно, во зависност од нејзината вистинска причина. Недостаток на железо се лекува со додатоци во исхраната и со консумирање на намирници кои се богати со железо, како што се црвеното месо, изнутрици, зелен зеленчук, школки, грав и сл.
ДЕПРЕСИЈА
Депресијата предизвикува многу физички симтоми као што се замор, главоболка и губење на апетитот, кои создавааат маѓепсан круг. Многу болни добро реагираат на терапија со антидпресиви, меѓутоа, таа мора да се зема заедно со психотерапија.
ХИПОТИРЕОЗА
Штитната жлезда е мала жлезда сместена во долниот дел на вратот која го контролира метаболизмот, односно брзината со која телото ја претвора храната во енергија. Хипотиреоза е состојба при која штитната жлезда не е доволно активна и создава премалку свои хормони. Болното лице се чувствува изморено, успорено, а често и се дебелее. Ако крвата слика потврди ниско ниво на хормони на штитната жлезда, лекарите препишуваат синтетички хормони.
ПРЕМНОГУ КОФЕИН
Оптималниот внес на кофеин варира од човек до човек. На некого три кафиња дневно му се премалку, додека на друго лице ќе му се слоши од премногу кофеин. Кофеинот е стимуланс кој ја поттикнува будноста и концентрацијата во умерени количини. Ако пиете од 4 до 7 кафиња дневно, може да се јави несоница, нервоза, немир, мачнини, желудочни проблеми, забрзана работа на срцето и главоболка. Доколку со кофеин го решавате недостатокот на сон, влегувате во тој маѓепсан круг. На пример, пиете пијалоци со кофеин за да останете будни преку целиот ден, но кофеинот му смета и на вашиот сон ноќе. На тој начин си го скратувате времето за одмор.
ДИЈАБЕТЕС
Кај дијабетичарите, шеќерот останува во крвотокот и не се апсорбира во клетките каде може да се претвори во енергија. Резултат е тело кое нема „гориво„ и покрај фактот што внесува доволно храна. Ако ве мачи постојано чувство на замор, отидете на лекар поради можен дијабетес. Правила во исхраната на дијабетичарите мора строго да се почитуваат за болеста да се држи под контрола. Терапија со инсулин, лекови кои на телото ќе му помогнат да го обработи шеќерот и промените на животните навики се задолжителни.
СРЦЕВИ БОЛЕСТИ
Кога уморот ќе ве нападне за време на секојдневните активности, како што се чистењето на домот или средување на градината, можеби срцето ви испраќа знак дека е преоптеретено. Доколку забележите дека со тешкотија ги извршувате работите кои некогаш сте ги работеле како од шега, разговарајте со доктор за срцеви заболувања.
