Според некои показатели, секоја петта жена на светот со влезот во пубертет се соочува со недостаток на железо во крвта. Кај некои причината е тоа што многу млади почнуваат со спроведување на диети, а кај други причина се обилните месечни циклуси.
КОИ СЕ СИМПТОМИТЕ
Замор и слабост, главоболка, замор, болка во градите и бледа кожа се само некои од знаците кои не треба да ги занемарувате. Но, тоа не е се. Она што треба да го знаете е дека постојат и некои помалку чудни знаци кои ги испраќа телото, а укажуваат на недостаток на железо, и често се поврзуваат со друга болест.
Важно е да се знае дека недостатокот на железо, никао не смее самоиницијативно да се лекува. Ако се сомневате дека страдате од анемија, обратете се кај вашиот лекар.
ШТО СЕ СЛУЧУВА
Последично, ако телото има недоволно железо за производство на хемоглобин, тоа не го добива потребниот кислород и произведува помалку црвени крвни зрнца, а тоа може да доведе до сериозни здравствени проблеми.
- Отекување на јазикот
Ако ви се чини дека јазикот ви е мазен, како да е од стакло и дека е отечен до тој степен да се јавува проблем со голтањето, и при тоа немате осет за вкус, најверојатно се работи за атрофичен глоситис, односно атрофично воспаление на јазикот, кое се јавува при анемија.
- Потреба за јадење креда или глина
Честата потреба за непрехранбени производи како што се глина, креда е очигледен знак за недостаток на железо Во медицината тоа се нарекува Пика пореметување.
- Косата премногу паѓа
Стрес, орална контрацепција, проблеми со штитната жлезда, лоша нега на косата се само некои од причините зошто може да дојде до опаѓање на косата. Но, причина може да биде и недостатокот на железо.
- Кршливи нокти
Кршливоста на ноктите може да укажува на анемија. Овој симптом е проследен со изглед на ноктот како лажичка, односно само мал дел од ноктот е споен за прстот, а останатиот дел од ноктот е како одвоен. Веднаш на лекар проверете го нивото на железо во крвта.
- Често сте болни
Честите настинки може да се предизвикани токму од недостатокот на железо. Имуниот систем тешко може добро да функционира ако крвната слика покажува знаци на анемија. Кислородот не стига до “нападнатите“ делови на телото како слезината и лимфните јазли, па не може да се создадат бели крвни зрнца. Ниското железо ги слабее и постоечките бели крвни клетки од истата причина.
