Модерниот и, пред се, стресен начин на живот, како и лошиот начин на исхрана, недоволниот внес на течности се најчесто причините за запек кај возрасните. Покрај очигледниот проблем што го создава кај луѓето, запекот особено лошо им влијае на жените.
„Доколку вашите црева се мрзливи и се соочувате со запек, естрогенот се задржува многу подолго во телото отколку што треба и се враќа да циркулира низ него. Секојдневната, нормална столица е неопходна со цел да го ’извлечете‘ естрогенот надвор“, тврди Џолин Брајтен, експерт за женски хормони и авторот на книгата „Beyond the Pill“.
Нерамнотежата во цревната флора може да доведе и до зголемена продукција на бета-глукуронидаза – ензим кој значително го реактивира поврзаниот естроген и другите хормони, раздвојувајќи ги од нивната метилна група. Повремената опстипација не претставува проблем, но хроничната може да доведе до хормонален дисбаланс, бидејќи хормонот кој се рециклира во организмот станува потоксичен од својот првобитен облик.
Други симптоми
Недоволната елиминација на метаболниот отпад и хормоналниот дисбаланс предизвикуваат акни на кожата, имено, заради нередовното исфрлање отпад од телото тоа едноставно се обидува да најде начин да го стори тоа, во случајов преку кожата. Главоболки, симптоми на ПМС, почести менструални циклуси… се само дел од симптомите кои ги предизвикува натрупувањето на естроген. Со текот на времето здравствените проблеми може да станат уште посериозни, зашто во зависност од нивото на естроген во телото, постои зголемување на ризикот од канцер.
