Симптомите на внатрешно крварење може да бидат последица на бројни состојби, може да бидат силни и изненадни, проследени со болка, шок и несвестица. Симптомите може да бидат и благи додека не дојде до екстремно губење на крв.
Исто така, симптомите на внатрешно крварење не мора секогаш да бидат одраз на сериозноста на ситуацијата. Силното крварење може да биде последица на повреда на стомакот или бубрезите и пред болеста да се појави. Дури и мали крварења во подрачјето на мозокот може да предизвикаат силни симптоми, па дури и смрт. Причините за внатрешно крварење може да бидат различни, колку и симптомите.
ШТО МОЖЕ ДА ПРЕДИЗВИКА ВНАТРЕШНО КРВАРЕЊЕ?
Траумата е најчеста причина за внатрешно крварење. Аневризмата е акумулација во крвните садови што може да ги ослаби истите и да предизвика пукање на крвните садови. Нарушувањатакај стопирањето на крварење, како што е хемофилијата, може да го стават лицето во поголем ризик од крварење, па и внатрешно крварење. Хеморагичните трески предизвикуваат внатрешно крварење, а и некои вируси можат да предизвикаат мали крвни згрутчувања.
СИМПТОМИ НА ВНАТРЕШНО КРВАРЕЊЕ
Како што е веќе наведено, симптомите не мора секогаш да бидат поврзани со тоа колку е силно крварењето, ако се работи за траума, недоволните симптоми на почетокот не значат дека лицето е безбедно. Симптомите може да се развијат подоцна и да бидат посериозни. Тие вклучуваат:
- “Магла“ во главата
Кога е во прашање силно крварење и губење на крв, ова чувство, заедно со вртоглавицата е вообичено. Во случај да се работи за постепени губење на крв, вртоглавица ќе се јави кога лицето се обидува да стане и во тој момент доаѓа до намалување на крвниот притисок.
- Болка
Болката е вообичаен симптом за внатрепно крварење бидејќи крвта ќе го иритира ткивото. Во некои делови од телото, како градниот кош, болката може да биде постојана на местото на крварење. Ако се работи за стомакот, болка може да се почувствува и во други делови од телото. На пример, крварење во дијафрагмата може да предизвика симптоми во левото рамо.
- Избегнување допир
Тоа често се случува при внатрешно крварење, а се работи за тоа да лицето несвесно ќе се обиде да избегне допири на местото каде што чувствува болка.
- Краток здив
Краткиот здив може да биде симптом на внатрепно крварење во било кој дел од телото, а со губењето крв, има помалку црвени крвни клетки кои носат кислород низ телото. Недоволната количина на кислород предизвикува проблеми со дишењето.
- Трнење во рацете и нозете
Со губењето крв, телото често оневозможува крвните садови на долниот дел од телото да пренесуваат кислород до важните органи. Губењето кислород во рацете и во нозете може да предизвика чувство да низ нив ви поминуваат трнки. Внатрешното крварење може да предизвика и хипервентилација.
- Проблеми со видот
Промените во видот се чести кај внатрешното крварење, а често се случуваат пред губење на свеста, кога загубата е тешка и сериозна. Други визуелни промени може да бидат последица на крварење во мозокот.
- Мачнина или повраќање
Овие симптоми може да се појават поради загуба на крв како одговор на болката. Тие се чести кога се јавува крварење во дигестивниот тракт или мозокот.
- Интензивно потење
Ова е симптом кој може да се појави кога се работи за нагло губење на крв, што може да предизвика големи промени во телесната температура, а токму тоа ќе предизвика интензивно потење. Често луѓето ќе кажат дека ги облило ладна пот.
- Модринки
Модринките понекогаш може да укажуваат на местото на крварење, па ако се работи за крварење во пределот на стомакот, токму таму може да се појават модринки. Големи модринки се јавуваат и кога станува збор за скршеници.
- Промени во менталната слика
Промените во менталната слика, како што е чувството на збунетост и дезориентираност, може да бидат знак дека е изгубено многу крв. Ова воедно е и знак дека итно треба да се јавите на лекар.
