Една од почестите нуспојави на алкохолот освен мамурлакот и сувата уста и одвратното чувство во телото, e и проливот. Ако досега сте забележале невообичаени причинители поврзани со столиcата после ноќ помината со алкохол, тоа не е случајно.
Доктор Ендрју Блак објаснил за магазинот Woman’s Health дека алкохолот создава „плодна подлога“ за дијареја или пролив. Причината е што алкохолот ја иритира слузницата на органите, што не само што отпушта течност во цревата, туку и предизвикува зачестени и силни контракции на мускулите во дигестивниот тракт.
Како алкохолот ги предизвикува овие дигестивни пречки?
Ако овие контракции го преоптоваруваат дигестивниот систем, тој ќе ја исфрли храната надvор пред да ја извлече сета потребна течност/вода од неа. Тоа резултира со воденеста дијареја која дочекува за добро утро после интензивна журка. Причината за честите посетите на тоалетот може да оди подалеку од само иритација на слузницата. Алкохолот може да ги уништи добрите бактерии во организмот, со што се менува рамнотежата и се зголемува концентрацијата на лошите бактерии. Тука се создава проблемот затоа што премогу лоши бактерии може да ги оневозможат цревата правилно да ја апсорбираат водата. Исто така, премногу алкохол во организмот го поттикнува создавањето на киселина во стомакот, уште еден вид течност која ќе ја смени столицата.
И други фактори можат да влијаат!
Постои можност алкохолот штетно да делува на цревата заедно со останатите фактори, како чувствителност на глутен или проблеми со апсорбирањето на јаглехидратите. Пиењето пиво или други пијалаци кои се полни со шеќери, на пример, коктелите, можат дополнително да ги иритираат цревата и да ги влошат симптомите.
Како да се избегне пролив предизвикан од алкохол?
Прво, и основно мора да се има контрола врз она што се пие. Држете се до дневната доза од два пијалаци, затоа што колку повеќе пиете толку проливот ќе биде поинтензивен, предупредува д-р Блек. Друго, внимавајте да внесувате доволно вода меѓу пијалаците за да одбегнете дехидратација и за на тој начин да го разредите алкохолот во организмот и со тоа да го намалите влијанието врз организмот. Доколку забележите проблеми со варењето кога пиете пијалаци со висок удел на јаглехидрати, д-р Блек препорачува да го смените пијалакот.
