Недостатокот на јод во исхраната е главна причина за недоволен умствен развој кај децата во светот, покажуваат податоците на Светската здравствена организација. Исто така, штитната жлезда без јод не може да создаде хормони кои го одредуваат растот на телото и развојот на мозокот. Недостатокот на јод кај фетусот и во првите три години од животот предизвикува низок раст и трајна умствена заостанатост. Недостатокот на јод го намалува коефициентот на интелигенција и до 18 IQ бода.
Дневните потреби се од 150 до 200 микрограми јод за возрасни личности, а 200 до 300 за трудници и доилки. Организмот не може да произведе јод затоа мораме да го внесуваме со храната и водата. Природен јод најмногу има во сината риба, алгите, јаткастото овошје, а помалку во морковите, компирот со лушпа, печурките. Брокулата, зелката, карфиолот, кељот и репата го попречуваат преземањето на јодот во штитната жлезда. Нашиот организам најдобро ја користи јодта од водата.
Иако во многу земји кујнската сол се јодира, со исхраната на дневно ниво се внесуваат само половина од дневните потреби.
