Светската здравствена организација (СЗО) оценува дека “нов епицентар“ на пандемијата со КОВИД-19 станала Јужна Америка и истакнува дека Бразил е особено тешко погоден со ширењето на оваа болест.
Мајкл Рујан, директор на програмата на СЗО за вонредни состојби оценува дека “состојбата во Јужна Америка се влошува и на некој начин преставува нов епицентар на КОВИД-19“.
Според него, бројот на заразени пациенти со неверојатна брзина се зголемува во бројни држави во Јужна Америка, но најпогоден е Бразил, која е втора земја во светот по бројот на евидентирани случаи на заразени по САД.
Во Бразил вчера регистриран е 1001 смртен случај како последица на заразата со коронавирусот. Досега во оваа земја починати се над 21.000 лица.
Земја со најмногу регистрирани случаи на инфицирани пациенти и натаму се САД (1,6 милиони). Таму досега како последица на коронавирусот починале околу 96.000 лица.
Во Европа, каде постапно животот се враќа во нормала по попуштање на мерките на претпазливост и заштита во поголем број земји, досега се евиденитрани вкупно 171.000 смртни случаи од КОВИД-19.
