Оваа есен најверојатно ќе биде достапна комбинација на вакцини кои ќе нудат дополнителна заштита против омикрон варијантата на коронавирусот. Ваквата најава од Модерна се чини дека зборува за вакцина која ќе биде главен кандидат за бустер вакцина оваа есен. Но, некои луѓе и денес се прашуваат дали треба и пред да есен да примат бустер вакцина.
Ова се одговори на некои од најчестите прашања поврзани со дополнителната доза вакцина.
- ДОКОЛКУ НЕОДАМНА СТЕ ПРЕЛЕЖАЛЕ КОВИД, ТРЕБА ЛИ ДА ПРИМИТЕ ДОПОЛНИТЕЛНА ВАКЦИНА?
Според пишувањата на Центарот за контрола и превенција на болести – ЦДЦ, најдобро е почекате симптомите да исчезнат пред да примите дополнителна доза вакцина против коронавирусот. Некои стручњаци сметаат дека е најдобро да почекате и 3 месеци откако се повлекле симптомите на болеста.
- ДАЛИ ТРЕБА ДА СЕ ПОЧЕКА СО ВТОРАТА БУСТЕР ДОЗА ДО ЕСЕНОСКА?
Хана Њуман, директор на Одделот за инфективни болести во болницата Ленокс во Њујорк советува вакцина да примите што е можно побрзо, бидејќи денес е зголемен бројот на заразени, па најдобро е да вакцинирате за да стекнете антитела. Д-р Амеш Адаља наведува дека е потребно да почека 7 дена за да се развијат антитела и имуниот систем да може да реагира на вирусот.
- ЌЕ СЕ ПОЈАВАТ ЛИ ПО ВТОРАТА БУСТЕР ДОЗА НОВИ СИМПТОМИ?
Д-р Њуман вели дека несаканите реакции во овој случај може да бидат различни од лице до лице, но додава дека тие сигурно ќе бидат краткотрајни и може да се ублажат со лекови. Температура, болка во телото и отечени лимфни јазли се некои од симптомите на реакцијата на имуниот систем на вакцината.
- ТРЕБА ЛИ ИМУНОКОМРОМИТИРАНИТЕ ЛИЦА ДА ПРИМАТ ЧЕТВРТА ДОЗА ВАКЦИНА?
Американската агенција за лекови авторизираше дополнителна бустер вакцина за сите кои се постари од 50 години, но и за оние постари од 12 години, ако се работи за лице на кое му е загрозен имунитетот.
- КАКО ДЕЛУВА НОВАТА ВАКЦИНА – НОВАВАКС?
Група експерти од ФДА наведува дека вакцината под итно треба да се авторизира иако агенцијата до денес не се огласила по ова прашање. Се работи за вакцина чија основа се протеини, а такви вакцини се користат веќе со децении. Вакцините против хепатитис Б и ХПВ, исто така се базираат на протеини. Се разликуваат Мрна базираните вакцини Модерна и Фајзер, кои му даваат на телото инструкции да произведува протеин за имунитетот да може да се потпре на него и во иднина да го препознае.
