Во летниот период доминираат ентеровирусите, ги има над 70 видови и никој не е имун на нив, а најчести жртви се децата на возраст од 4-12 години. Ентеровирусот влегува во телото преку дигестивниот тракт, се размножува во лимфните јазли, по што се шири низ крвта во органите и често го напаѓа и нервниот систем.
Откако едно дете ќе се зарази, болеста во просек зафаќа околу половина од другите деца и 25 проценти од возрасните членови на семејството
Ентеровирусите се присутни во плунката, слузот од носот и изметот на заразените лица, а најчесто се пренесува преку нечисти раце, од човек на човек, преку капки, кивање и кашлање, како и директен контакт со секрети од заразените или предмети, како што се рачка на вратата, чаша или слушалка на телефонот, на кои се задржуваат вирусите. Но, можеме да се заразиме и во базен ако водата е загадена.
Превенција од летни вируси
Хигиена
Мијте ги често рацете или дезинфицирајте ги со влажни марамчиња пред јадење, после тоалет и после престој во јавен простор со многу луѓе. Рацете потоа добро исушете ги, бидејќи влагата е погодна за ширење на вирусот.
Миење на овошјето
Овошјето и зеленчукот секогаш треба да се мијат добро под проточна вода, особено оние што се јадат сурови. Оставете го да постои неколку минути во вода во која сте додале една лажичка сода бикарбона, па исплакнете под млаз вода.
Чиста вода
На туристите најчесто им се препорачува да пијат вода од шише таму каде што не се сигурни дека чашите и санитариите се чисти. Исто така, избегнувајте слаткарници каде што не сте сигурни дека хигиената е на високо ниво.
Чувајте ги намирниците во фрижидер
Сите намирници кои лесно може да се расипат чувајте ги во фрижидер и проварете ги пред употреба. Сварените оброци оладете ги и веднаш сместете ги во фрижидер. Се што ќе подгреете изедете го веднаш, а вишокот фрлете го.
Хидрација
За да спречите дехидрација, ако сте фатиле вироза, за рехидрација може да послужи и сок од јаболко разреден со вода.
