Кога растат, децата осознаваат многу информации од околината и постојано учат нови работи. Често се вели дека мозокот на децата е како сунѓер. И навистина со учењето на работи кои детето во тој момент не ги користи, но ќе му бидат неоходни подоцна во животот, треба да се почне уште од најмала возраст. Сето тоа ќе допринесе во староста мозокот да биде многу повитален, а ќе помогне и да се спречи развојот на Алцхајмеровата болест.
Истражувања покажуваат дека децата кои учеле втор јазик во раното детство можат полесно да се прилагодат на промени и имаат подобра меморија. Учењето на уште еден јазик ќе му помогне на детето во иднина полесно да најде работа и да патува без да се грижи на кој начин ќе се разбере со луѓето. Научниците од Универзитетот „Ротман“ тврдат дека луѓето кои научиле да зборуваат два јазика имаат помали шанси да развијат Алцхајмерова болест во староста.
Покрај јазиците, постојат и уште неколку активности кои помагаат за одржување на здравјето на мозокот и во кои детето треба да биде вклучено од најмали нозе.
Исполнет живот
Пливање и другите спортови ги учат децата да водат поактивен и исполнет живот. Пливањето ќе му отвори нови искуства, но и ќе го научи како да се справи со ситуации опасни за неговиот или за друг живот. Оваа активност исто така му помага на мозокот да работи побрзо и подобро.
Свирење инструменти и танцување
Истражувања докажале дека свирење на инструменти го одложува стареењето, бидејќи одржува некои клетки во мозокот и ја подобрува способноста на детето за мултитаскинг. Исто така, танцувањето има големо влијание врз понатамошниот живот на децата, а оваа активност се препорачува особено кај деца кои се хиперактивни. Докажано е дека музиката помага да се развие креативноста, моторните вештини и да се изгради самодоверба. Танцот и музиката, исто така, ќе го запознаат детето со различни култури, ќе помогнат да имаат повеќе отворени ставови и поголема доверба.
Чистење
Рециклирањето на отпадот и чистењето на куќата и околината се само дел од активностите што детето треба да ги практикува од мали нозе. На овој начин, ќе се грижи за неговата околина, без разлика дали станува збор за дома или надвор. Тоа го формира неговото чувство за хигиена, па тоа ќе продолжи да живее по правилата кои ги научило и ќе ги насочување на другите како да се грижат за животната средина.
Готвење
Иако децата се мали за да можат веднаш да научат да готват, многу е важно тие да се вклучат навреме во овие активности. Ако почнат да ги подготвуваат своите оброци, многу малку е веројатно дека подоцна во животот ќе консумираат брза храна. Исто така, на овој начин, ги развиваат сетилата и ќе си дозволат повеќе да експериментираат во кујната.
