Сончањето е омилената забава во топлите денови, за која треба правилна подготовка и навремена заштита. Имено, сончањето е одговорно за 90 проценти од знаците на стареење на кожата, а „прегорувањето“ на сонце во младоста ќе ве доведе до обесена кожа, старечки пеги и брчки во староста.
Кожата можете да ја заштитите со храна полна со антиоксиданти, како бобинки, сливи, артичока, грав и зелен чај, а особено ефективни се лубениците и доматите поради ликопенот кој го содржат, но и во тој случај мора да бидете заштитени со крема за сончање.
Помеѓу пилингот и изложувањето на силно сонце треба да поминат најмалку три дена
За да стигнете до посакуваниот исончан тен, а не до изгореници или други проблеми со кожата, важно е квалитетно да се подготвите – и одвнатре и однадвор.
Подготовка на телото за сончање
Хидратизација на кожата – како што веројатно веќе знаете, хидратантните креми немаат СПФ фактор, но помагаат во превенција на изгореници и опоравување на кожата од сонцето. Сончањето ја суши кожата што ја прави многу чувствителна на УВ зраците. Со хидратизацијата со квалитетна крема се обновува површинскиот и заштитниот слој на кожата, а може да користите и природни масла од јојоба и бадеми.
Избор на крема за сончање – кремата за сончање со соодветен СПФ фактор ќе ви биде најважниот сојузник во борбата против изгорениците. Кремата нанесете ја во доволно дебел слој, но нема потреба да претерувате, бидејќи на тој начин нема да ја зајакнете заштитата. Кремата за сончање е најдобро е да се нанесува минимум половина час пред изложување на сонце, па дури и оние кои се водоотпорни, е најдобро да се обновуваат на секои два часа.
Правилна исхрана –главниот дел од подготовката за сончање доаѓа однатре. Се препорачува консумирање на намирници богати со бета-каротен и витамин Е, кои му помагаат на организмот во одбраната од штетните УВ зраци. Храна богата со каротеноиди се тиквите, спанаќот, морковите, тиквичките, мангото, а витаминот Е може да се најде и во бадемите и оревите.
Редовен пилинг – треба да биде задолжителен чекор пред изложување на кожата на сонце. Со пилингот се отстранува слојот на мртви клетки на кожата и овозможува кожата рамномерно да потемни. Важно е на меката и „свежа“ кожа да нанесете хидратантна крема за да ја заштитите, бидејќи после пилингот таа е особено чувствителна. Помеѓу пилингот и изложувањето на силно сонце треба да поминат најмалку три дена.
