Маските не се моден хит, ниту статусен симбол, па за нивното носење има смисла и за да спречи ширење на зараза со новиот коронавирус, треба правилно да се носат.
Со донесување на мерките за социјално дистаницрање, дури и платнените маски се означени како корисно средство кое помага во спречување на ширење на инфекцијата. Она кое многумина често го забораваат е дека маската е ефикасна само ако ги покрива устата, носот и брадата.
Исто така, колку и да е тешко да се оддолее на искушението да макар на момент ја тргнете маската, мора на тоа да оддолеете, бидејќи така своето лице и прсти ги изложувате на вируси кои со маската се обидувате да ги избегнете.
При носењето маска треба секогаш да имате на ум дека со нејзиното правилно носење можеби спасувате бројни животи.
ПРАВИЛНО НОСЕЊЕ МАСКА
- Темелно измијте ги рацете и земете чиста платнена маска. Носете само чисти маски за лице, бидејќи со повторно носење на иста маска може да се изложите на контаминација.
- Маската за лице ставајте ја држејќи ја за врвката која се става зад ушите. Маската треба да биде цврсто припиена и на страничните делови на лицето, без отворени прегиби. Треба да внимавате и маската да не биде претесна, за да не ви го отежнува дишењето.
- Доколку на маската имате и тенок лимен или жичан дел, неговата цел е подобро да се припие маската преку носот, па за побезбедно и попријатно носење, притиснете го тој дел и прилагодете на формата на вашиот нос.
- Задолжително покријте го носот, устата и брадата. Ако маската има преклопени набори, треба да се отвораат надолу. Повлечете ја маската така да ви го прекире носот, а потоа повлечете ја надолу за да ви ја покрие и устата.
НЕПРАВИЛНО НОСЕЊЕ МАСКА
Обрнете внимание на трите најчести грешки при носењето маска
- Премногу лабаво
Ако маската има големи отвори околу носот, устата и страничните делови на лицето, не може ефикасно да ве заштити од вируси кои можат да поминат низ тие отвори. Маската мора да биде цврсто прилепена за вашето лице.
- Заборавање на носот
Носот мора да биде внатре во маската, бидејќи вирусот се шири респираторно и патува преку воздухот, па лесно може да го вдишите.
- Мрдање и допирање
Се додека сте во јавност, избегнувајте паузи кои вклучуваат отстранување на маската. Не е лесно да се носи и на летните горештини, но со допирање на маската ризикувате контаминација на устата и на лицето со вируси и останати микроби кои маската ги задржала.
КАКО ПРАВИЛНО СЕ ВАДИ МАСКА
По враќањето од надвор, отстранете ја маската така што ќе ја држите само за врвките што одат околу увото. Не допирајте ја предната страна на маската бидејќи може да биде контаминирана, а маската за време на вадењето, држете ја подалеку од лицето.
- Веднаш исчистете ја маската
Ако маската по употреба, нема веднаш да ја перете, ставете ја во чиста пластична кеса. Држејќи ја за врвците, маската ставете ја во кеса и ставете ја на студено и чисто место.
- Измијте раце
Главно во оваа пандемија е честото миење на раце, па направете го тоа и веднаш откако ќе ја извадите маската. Рацете мијте ги и додека носите маска. Со често и темелно миење на рацете додека сте надвор и кога ќе се вратите, значајно ги намалувате шансите да се заразите со новиот коронавирус.
