Времето кое можете да го поминете стоејќи на една нога е мошне лесен начин да проверите дали ќе остарете здраво, односно дали ви се закнува можеби мозочен удар или деменција. Истражувањето обавено во 2015 година открило дека личностите кои не можат да стојат на една нога подолго од 20 секунди имаат поголем ризик од „тивок“ мозочен удар што го карактеризираат мали крвавења во мозокот кои не предизвикуваат симптоми, но ја зголемуваат опасноста од „полн“ мозочен удар и деменција.
Од друга страна, студија од 2007 година покажала дека здрава личност во 70-те години во просек може да издржи 20 секунди на една нога (се над тоа е добар резултат), додека просекот за личностите во 80-те години е 9 секунди.
Џон Бруер, професор по спортска наука смета дека личностите на возраст меѓу 40 и 60 години би требало да издржат цела минута.
„Ова е одличен тест за вашата стабилност, но и силата на лигаментите кои ги поддржуваат колената. Ако не можете да издржите минута, тогаш дефинитивно би требало да поработите на физичката кондиција и здравјето“, вели Бруер.
