Тим на истражувачи во изминатиов период се занимавал со тоа кои намирници предизвикуваат најголема зависност кај луѓето. Притоа ја користеле скалата за зависност од храна на Јеил (Yale Food Addiction Scale), која е направена да измери колку луѓето чезнеат по одредени намирници.
На тој начин утврдиле дека сирењето е на врвот на табелата и сето тоа поради казеинот. Самото име казеин потекнува од латинскиот збор caseus, што значи сирење, бидејќи тоа е протеин, со чија коагулација се овозможува производството на сирење.
На мозокот делува како дрога
Казеинот, исто така, се наоѓа и кај другите млечни производи, а влијае на истите рецептори во мозокот, како и опијатите, и сето тоа е поврзано со зависноста.
Авторите на истражувањето, исто така, откриле дека преработената храна е поврзана со однесување на зависност, исто како и масната храна, која е најтешко да се исклучи од исхраната поради истата причина.
Во истражувањето учествувале 120 студенти кои на скалата на Јеил морале да изберат помеѓу 35 прехранбени производи со различна хранлива вредност.
Во вториот дел од студијата биле вклучени 384 луѓе на кои им биле дадени намирниците, но без хиерархиски ред и било побарано од нив да ги изберат омилените.
Сирењето во мозокот кај голем број на испитаници кои покажуваат симптоми на зависност од храна ги „допрело“ сите оние рецептори на кои влијае и дрогата.
