По се изгледа дека нитратите, хемиски соединенија кои се користат за конзервирање и зачувување на месото, се поврзани со поголем ризик од развој на нарушување на расположението познато како манија. Имено, се покажало дека луѓето кои биле хоспитализирани поради манија (хиперактивност, еуфорија и несоница) имаат 3,5 пати поголема веројатност од манија доколку се консументи на месо што содржи нитрати.
Манија обично се јавува кај луѓе со биполарно растројство, но, исто така, може да се појави и кај шизоафективно пореметување
Манијата може да вклучува заблуди и да доведе до ризично однесување.
Треба да се нагласи дека ова истражување не докажува директно дека нитратите кои се наоѓаат во храната предизвикуваат манија, туку само укажува на нивната поврзаност.
Исто така, се смета дека повременото консумирање на сувомеснати производи веројатно нема да предизвика манична епизода кај повеќето луѓе, пишува „Molecular Psychiatry“.
