Велигденските пости завршуваат – за време на постот во организмот се случуват различни биолошки промени, по кои е потребен период на адаптација пред да се вратите на вообичаениот режим на исхрана. Еве неколку совети како повторно да се навикнете на мрсна храна, а да не го шокирате организмот.
Нормалната продукција на одредени ензими во текот на редовната исхрана се намалува или престанува во зависност од начинот на постење (целосно или делумно исфрлање на сите животински производи и масла).
По прекин на постот, важно е да се почне со постепено воведување на сите вообичаени намирници во исхраната
Постепеното внесување на храна која за време на постот не била внесувана му овозможува на организмот повторно да воспостави нормално производство на ензими.
Заштитниот слуз на дигестивните органи за време на постот, исто така, се произведува помалку, со што дигестивниот тракт станува почувствителен на иританти како што се кафето и зачинетата храна. По прекин на постот, важно е да се почне со постепено воведување на сите вообичаени намирници во исхраната.
Периодот на адаптација кон редовната исхрана зависи од должината постот. Ако сте постеле подолг период, потребни се најмалку четири дена за да преминете на редовна исхрана.
Во периодот на адаптација треба да користите храна која е богата со хранливи материи и лесно сварлива и постепено да воведувате покомплексни јадења. За полесно да одредите со кој тип на храна да започне со прилагодување, искористете ја листата подолу:
- Сокови од овошје и зеленчук
- Свежо сурово овошје
- Супа
- Јогурт, кисело млеко, кефир
- Зелена салата и спанаќ
- Варен зеленчук или чорба од зеленчук
- Свеж суров зеленчук
- Добро варени житарки и мешунки
- Јаткасти плодови и јајца
- Други млечни производи
- Месо и други производи
Стартувајте со првите неколку намирници и постепено следете го списокот. Секоја наредна намирница е посложена од претходната.
