Контролирајте ги порциите
Место три кралицата јаде четири помали оброци дневно. Впрочем, ако некогаш во животот сте се обиделе да ослабете, знаете колку е важно контролирањето на оброците и нивниот правилен распоред. Едно истражување на Универзитетот во Кембриџ покажало дека помали пакувања храна можат да помогнат во намалувањето на внесот на храна за некои 25 %, а според извештајот на Институтот McKinsey Global, намалувањето на порциите е најефективен начин во борбата против дебелина.
Уживајте во својата омилена храна, не во секоја
Поранешниот главен готвач на кралското семејство Дарен Мекгрејди открива дека кралицата јадела и по цело парче чоколаден колач: “Земаше парче по парче се додека не останеше само едно мало парченце, но и него ќе го земеше затоа што сака да изеде цело колаче.“
Кога се во прашање другите слатки, слободно може да ги дојаде некој друг.
Истражувањата покажале дека да се почестиш самиот себе е важен дел од здравата, долгорочна диета. Едно истражување направено во Израел дури открило дека личностите кои го почнувале денот со чоколадо, кекс или сладолед полесно ги контролирале своите желби за слатко на подолго време.
„Желбата се зголемува кај диетата со намален внес на јаглехидрати, па најдобро е да се вклучат во исхраната на здрав начин“, вели Даниела Јакубович од Единицата за дијатебес на Wolfson Medical Center Универзитетот во Тел Авив, уште и авторка на низа истражувања. Таа препорачува дека најдобро да се почестите е наутро.
Секогаш одбира црно чоколадо
Кралицата Елизабета сака кога чоколадото има повеќе од 60 % удел какао. „Мора да биде црно, колку поцрно толку подобро“, потврдува Мекгрејди. „Не сакаше млечно или бело чоколадо“, додава. Тоа е и најдобар избор затоа што црното чоколадо е полно со флавоноиди, кои помагаат во заштитата од срцеви заболувања и срцев удар.
Се што јаде е сезонско
Кралицата секогаш посегнува по јагоди во текот на летото, но не сака ниту да ги погледне во зима. „Јаде апсолутно сезонски“, раскажува Мекгрејди. Предноста на консумирање сезонски намирници е голема. Оние кои не се актуелни главно поминуваат илјадници километри пред да се најдат во продавниците, што може да ја наруши нивната нутритивна вредност. Витаминот Ц е најмалку стабилен – едно истражување од Бангладеш покажало дека доматите губат повеќе од половина од нивото на витамин Ц во период од 8 дена.
Што е можно повеќе риба на менито
Често јаде сендвичи со чаден лосос заедно со попладевниот чај и риба на скара за ручек или вечера. И самите би требало да ја усвоите оваа навика ако сакате да го одржите мозокот во топ функција – му требаат омега-3 масни киселини за да работи со „полна пареа“
Пијте го омилениот чај на кралицата
Earl Grey може да го намали холестеролот благодарение на флавоноидите во бергамотот. Само вдишувањето на мирисите на ова масло може да помогне во намалувањето на крвниот притисок. А досега е докажано дека црниот чај помага и во намалувањето на ризикот од карцином на јајнците, како и при слабеење.
