Мислите дека смутито ии енергетските барови се диетални? Всушност понекогаш реалноста е многу поразлична. Некоја „здрава“ храна има и скриени калории, кои би можеле да му попречат на вашиот режим на исхрана и одржувањето на телесната тежина. Прочитајте со кои „диетални“ вкусни работи треба да бидете повнимателни.
Мафин од трици: Голем број од овој тип производи со трици содржат околу 800 калории, од кои повеќето доаѓаат од шеќерите, мастите, маслото и од сувото овошје. Се разбира, овие калории полесно се разградуваат, на пример, од оние што се добиваат од консумирањето чоколадо или колачи.
Мусли: Овој производ претставува полнозрнест овес кој се подготвува со хидрогенизирани масти и во повеќето случаи содржат шеќери. Чаша мусли со млеко може да надмине 600 калории.
Пуканки: Тие се одличен извор на чисти протеини и здрава храна што е погодна за секого. Ова е така само ако се подготвени дома. Пакуваните пуканки содржат многу зачини и високо ниво на натриум што ги прави нездрави за консумирање. Избегнувајте да ги подготвувате пуканките во микробранова бидејќи така подготвените најчесто се нездрави и полни со скриени калории.
Сушено овошје: Содржат повеќе шеќери од свежото овошје и многу конзерванси кои се додаваат во нив поради зголемување на рокот на траење. Конусмирањето редовна доза на свежо овошје е подобро од сушената опција.
Салати: Само затоа што тоа се нарекува салата не значи здраво. Зеленчук – да, но салати кои содржат пржено пилешко место, кротони (препечен леб), сосови… го зголемуваат нивото на транс мастите и на шеќерите. Бидете умерени со консумирањето на ваквиот тип салата ако сте на диетален режим за регулирање на телесната тежина.
