Kога ќе се споменат хормони, прво на што помислуваме се жените, но во реалноста и двата пола може да се соочат со хормонална нерамнотежа. Хормоналниот дисбаланс, особено кога станува збор за половите хормони, кај мажите може да предизвика пад на либидото, депресија, анксиозност, но, исто така, и проблеми со коските и мускулите.
Главни причини кои предизвикуваат потешкотии со машките хормони се:
ЗГОЛЕМЕНО НИВО НА ЕСТРОГЕН. Дали сте знаеле дека фитоестрогените, ксеноестрогените или состојките во средствата за чистење може да предизвикаат зголемено ниво на естроген? Идентификувањето на причините и изнаоѓањето на алтернатива може да направи значителна промена.
СТРЕС. Хормоните предизвикани од стрес контролираат се, па така и половите хормони. Оваа состојба може да доведе до хормонален дисбаланс и кај мажите, а се манифестира преку квалитетот на спермата, либидото и општата емоционална состојба.
ЛОШО ВАРЕЊЕ. Слабата исхрана, стресот и долготрајната употреба на лекови може да ја наруши работата на цревата. Правилната исхрана и земањето пробиотици се клучни за изградба на добра цревна флора.
Воспоставувањето на хормонална рамнотежа не мора да изискува промени од корен. Малите промени можат да дадат голем ефект, а вашето тело брзо ќе ви каже дали сте на вистинскиот пат.
