-
Содржи антиоксиданти и го јакне имунитетот
-
Ги штити нервниот и кардиоваскуларниот систем
-
Ги поттикнува метаболизмот и циркулацијата
-
Ги урамнотежува холестеролот и крвниот притисок
Оризовото млеко е пијалак направен од ориз. Исто како и млекото од соја и бадеми, и ова млеко не е од животинско потекло, па затоа може да го употребуваат луѓето кои имаат интолеранција на лактоза. Млекото од ориз спаѓа во хранливи, лесно сварливи намирници.
Оризовото млеко е одлична замена за обичното кравјо млеко. Не е масно, па може да се користи и во подготовка на разни јадења и десерти наместо обичното млеко. За лицата кои не пијат кравјо млеко поради алергии, ова е одлична алтернатива, без разлика дали го подготвувате сами или го купувате како готов производ.
Во споредба со кравјото млеко, оризовото има поголем процент на јаглехидрати, но, од друга страна, не содржи доволно калциум и протеини, и е потполно без лактоза и холестерол
Оризовото млеко се прави од варен ориз (обичен или интегрален) и по желба може да биде дополнително засладено. Само по себе има некој благо сладок вкус што се должи на природните ензимски процеси кога јаглехидратите, со кои оризот е исклучително богат, се претвораат во шеќер. Ако го споредиме со кравјото млеко, оризово млеко има поголем процент на јаглехидрати, но, од друга страна, не содржи доволно калциум и протеини, и е потполно без лактоза и холестерол.
Оризовото млеко во однос на кравјото за некого може да делува разредено, додека за други е многу вкусно, што, секако, зависи од процентот на вода во млекото. Како и да е, многу луѓе го подготвуваат дома по свој вкус.
Рецепт за домашно оризово млеко
Потребни состојки:
- 1 литар вода
- 125 г ориз (по желба бел или интегрален)
- 1 стапче ванила или цимет (по желба)
Подготовка:
Во тенџере ставете 1 литар вода, 125 г ориз, 1 стапче ванила (како замена може да се користи и 2,5 мл екстракт од ванила) или стапче цимет. Варете на средна температура, додека оризот не стане многу мек. Оставете да се олади, а потоа извадете го стапчето ванила или цимет. Ставете во блендер. Изблендирајте, па оставете да остои приближно 45 минути, а потоа процедете со помош на повеќеслојна газа. Добиеното оризово млеко чувајте го во фрижидер.
