Повеќе од половина од Европејците, 53 отсто, користат лекови против болки „на своја рака“ барем еднаш месечно. Секој петти Европеец ги зема барем еднаш неделно, а дури 7 отсто посегнуваат по нив секојдневно, предупредува Здравственото истражување на компанијата Штада
♦♦♦♦♦♦♦
Самолекувањето со кои било лекови може да биде погубно, а многу загрижува фактот што Европејците лесно посегнуваат по лекови против болки кои во некои земји може да се купат дури и во самопослуга. И иако овие лекови се лесно достапни и обезбедуваат брзо олеснување кога станува збор за благи болки или поблаги тегоби, тие бараат посебна претпазливост и никогаш не треба да се земаат врз основа на лична проценка, туку со задолжителен совет од лекар или фармацевт.
Ги земаат како бонбони
Лековите против болки најчесто се користат во Велика Британија, каде што дури 35 % од граѓаните ги земаат барем еднаш неделно, главно поради болки во зглобовите. Следат Полјаците со 33 % и Холанѓаните со 32 % од населението кои се самолекуваат со лекови против болки најмалку еднаш неделно. Во Холандија рекордни 13 % од граѓаните земаат лекови против болки секој ден!
Истражувањето на Штада открива дека дури секој втор Европеец не знае дека аспиринот (ацетилсалицилна киселина (ASA)), еден од најчесто користените лекови против главоболка, има и својство за разредување на крвта, па затоа е потребна претпазливост, особено ако аспиринот се зема во комбинација со други лекови, и затоа е важно да се консултирате со лекар или фармацевт
Кога станува збор за Србија, 5 % од граѓаните земаат лекови против болки секој ден, а 20 % најмалку еднаш неделно, најчесто „на своја рака“.
Позитивен пример во Европа се Португалците, каде што само 14 % од населението зема лекови против болки без консултација со лекар или фармацевт.
Здравствениот извештај на Штада открива и дека жените се почести корисници на овие лекови (56 %), додека кај мажите тој процент изнесува 48 %, а особено загрижува податокот што дури 61 % од младите Европејци, на возраст од 18 до 24 години, користат лекови против болки исклучиво „на своја рака“.
Најчесто поради главоболка и забоболка
Најчести тегоби кои Европејците „на своја рака“ се обидуваат да ги „решат“ со лекови против болки се главоболка 63 %, забоболка 41 % и болки во грбот или зглобовите 32 %.
Романците го држат рекордот кога станува збор за забоболка, па 66 % од нив често пијат лекови против болки поради оваа причина, а Шпанците најчесто во Европа страдаат од главоболки – 70 %.
Најзабележителен недостаток на знаење за здравјето и лековите против болки покажаа младите Европејци, на возраст од 18 до 24 години. Дури 66 % од нив не ги ни знаеле ниту основните карактеристики на аспиринот, парацетамолот или ибупрофенот
Во Србија 65 % од граѓаните земаат лекови против болки поради главоболки, 36 % поради забоболки, 28 % поради болки во грбот, 21 % поради настинки и 14 % поради менструални тегоби.
17 % од Австријците и 12 % од Србите истакнуваат дека никогаш не земаат лекови против болки.
Незнаење и заблуди
Европејците покажаа загрижувачки недостаток на знаење за лековите против болки, при што изненадувачки голем број испитаници едвај можеа да ги идентификуваат клучните карактеристики на лековите против болки што често ги употребуваат.
Истражувањето на Штада открива дека дури секој втор Европеец не знае дека аспиринот (ацетилсалицилна киселина (ASA)), еден од најчесто користените лекови против главоболка, има и својство за разредување на крвта, па затоа е потребна претпазливост, особено ако аспиринот се зема во комбинација со други лекови, и затоа е важно да се консултирате со лекар или фармацевт.
Исто така, 42 % од Европејците погрешно веруваат дека парацетамолот има антиинфламаторни својства, но за среќа 79 % го означуваат како средство за намалување на треската.
Најзабележителен недостаток на знаење за здравјето и лековите против болки покажаа младите Европејци, на возраст од 18 до 24 години. Така, дури 66 % од нив не ги ни знаеле ниту основните карактеристики на аспиринот, парацетамолот или ибупрофенот.
Најчести тегоби кои Европејците „на своја рака“ се обидуваат да ги „решат“ со лекови против болки се главоболка 63 %, забоболка 41 % и болки во грбот или зглобовите 32 %
Здравствен извештај на компанијата Штада (STADA)
Мултинационалната корпорација Штада веќе петта година по ред спроведува истражување на јавното мислење на европското население во однос на здравствените навики и ставовите кон здравјето. Овогодишното онлајн истражување опфати повеќе од 32 илјади испитаници, на возраст од 18 до 99 години, во 16 земји, меѓу кои и Србија. Истражувањето се спроведува како придонес за здравствена едукација, подобар увид во здравствените навики и потреби на пошироката популација.
- Дополнителни информации за новинарите:
STADA Arzneimittel AG – Односи со медиумите
Stadastrasse 2-18
61118 Bad Vilbel - Германија
Phone: +49 (0) 6101 603-165
Fax: +49 (0) 6101 603-215
E-Mail: press@stada.de
Или посетете нè на интернет на www.stada.com/press
