Најновите извештаи на Центарот за контрола и превенција на болести на САД покажуваат дека 73 проценти од медицинските сестри, хоспитализирани поради КОВИД-19, биле обезни (со прекумерна телесна тежина). Покрај тоа, неодамнешно истражување покажало дека дебелина може да ја попречи ефикасноста на вакцината против коронавирусот.
На почетокот, лекарите веруваа дека дебелината го зголемува ризикот од развој на тешка форма на КОВИД-19; најновата анализа покажува дека го зголемува и ризикот од болеста и смртен исход, но и од самата инфекција.
Уште во март, студиите ги евидентираа хипертензијата, дијабетесот и болестите на коронарните артерии како најчести втори состојби, пропратни болести кај пациентите со тешка форма на КОВИД-19. Алармот се вклучи кога списанието Obesity на почетокот на април објави дека дебелината веројатно ќе се покаже како независен ризик фактор за сериозни ефекти на инфекцијата со КОВИД-19.
Следеа неколку студии: две покажаа дека пациентите со прекумерна телесна тежина имаат поголем ризик од смрт 21. и 45. ден, во споредба со пациентите со нормален индекс на телесна маса. Обезноста е поврзана со најмалку 236 медицински дијагнози, вклучувајќи 13 видови на рак и може да го намали животниот век кај поединецот до осум години.
Притоа, многу лекари всушност не знаат како и кога да им препишуваат лекови на пациентите со вишок телесна тежина. Американсите пресметале дека на пазарот се наоѓаат осум одобрени лекови за слабеење, но дека ги добиваат само два проценти од пациентите кои ги исполнуваат условите за тоа. Вишокот масно ткиво кое се складира во мастите, создава механичка компресија кај пациентите со прекумерна телесна тежина. Тоа ја ограничува нивната способност да дишат со полни бели дрбови. Дишењето им е отежнато, што создава рестриктивни болести на белите дробови и во сериозни случаи доведува до хиповентилација, поради што лицето има премалку кислород во крвта. Дебелината резултира со вишок масно ткиво. Низ годините, научниците утврдија дека масното ткиво е штетно само по себе. Тоа делува како сопствен ендокрин орган; ослободува повеќе хормони и молекули кои пак доведуваат до хронична состојба на воспаление кај обезните пациенти.
Кога телото е во постојана состојба на воспаление од низок степен, тоа ослободува цитокини, протеини кои се борат против воспалението. Тоа е во ред додека ги контролираат други системи и клетки. Но, секоја нерамнотежа доведува во избивање на мали, локализирани пожари во телото.
И КОВИД-19 предизвикува бурен пожар од цитокини. А кога тоа ќе се случи кај обезно лице, тогаш два мали пожари од цитокини се спојуваат во еден голем, а неконтролираното букнување на воспалението ги оштетува велите дробови, повеќе и посилно отколку кај оние со нормален индекс на телесна маса.
БЕЗ КИСЛОРОД ВО ТЕЛОТО
Оваа хронична состојба на воспаление може да доведе до дисфункција на ендотелот. Во таа состојба, наместо да се отворат, крвните садови се затвораат и се стеснуваат, што дополнително го намалува кислородот во ткивата.
Покрај тоа, зголеменото масно ткиво може да содржи повеќе ензим ACE2 кој му овозможува инвазија на коронавирусот на клетките. Недоамнешно истражување покажало дека дебелината игра главна улога во сериозните инфекции со КОВИД-19. Значи, во теорија, ако имате вишок масно ткиво, вирусот може да се врзе и да напаѓа повеќе клетки, предзвикувајќи поголеми вирусни оптоварувања кои подолго остануваат, што може да ја направи инфекцијата потешка и да го продолжи опоравувањето.
Обезноста, вели Кејт Варни, клиничар на Универзитетот Вирџинија, во својот научен труд во списанието The Conversation, еден од најсилните предвидуваќи на КОВИД-19 и уште на најмлаку 236 здравствени состојби и “крајно време е да се прогласи за јавен непријател број еден“.
