Силни антиоксидативни својства
Бета каротен, провитамин кој во човековото тело се трансформира во витамин А, спаѓа во групата на антиоксиданти кои го зајакнуваат имунолошкиот систем и го штитат телото од штетните слободни радикали, што е главната причина за стареење и дегенерација.
Здрава бременост
Истражувањата покажале дека витаминот А припаѓа на групата на најважните витамини за време на бременоста и доењето. Витаминот А игра важна улога во здравиот развој на фетусот и новороденчето, а развојот на белите дробови и созревањето се особено важни. Овој витамин е особено важен за доенчиња и мали деца да изградат силен имунолошки систем. Според некои студии, бремените жени и жени кои дојат треба да го зголемат внесот на витамин А за дури 90 %, но пред да го консумираат, задолжително да се консултираат со својот лекар.
Бета каротенот го има во многу видови на овошје и зеленчук, меѓу кои: моркови, грашок, црвени пиперки, спанаќ, домати, брокула, лубеница, тиква, кајсии, суви кајсии, манго, диња…
Ја штити кожата
Бета каротенот ја штити кожата од штетното зрачење на сонцето, иритација, црвенило и изгореници.
Го чува здравјето на очите
Бета каротенот и други антиоксиданти може да ја успорат прогресијата на макуларната дегенерација поврзана со староста, што предизвикува промени во видот што понекогаш доведуваат до слепило. Антиоксидантите се ефикасни во забавување на симптомите на макуларна дегенерација, бидејќи го намалуваат оксидативниот стрес, кој игра значајна улога во дегенерацијата на клетките и нервите во мрежницата на окото.
Лекува орална леукоплакија
Истражувањата покажале дека недостатокот на бета каротен може да биде поврзан со орална леукоплакија, која се манифестира со задебелени, бели дамки кои се формираат на непцата и во внатрешноста на устата. Повеќето случаи на леукоплакија се бенигни, но некои може да укажуваат на рани знаци на рак. Резултатите од студијата покажале дека 23 од 26 пациенти позитивно реагирале на терапијата со бета каротен.
Го подобрува здравјето на респираторниот систем
Консумацијата на намирници кои изобилуваат со бета каротен може да ја подобри респираторната функција. Луѓето што јадат овошје и зеленчук најмалку еднаш дневно имаат помалку симптоми кои укажуваат на респираторни проблеми, како што се прекумерна продукција на слуз, отежнато и тешко дишење.
