Кафето е познато и како напиток кој има позитивно дејство на организмот, но претерувањето со овој напиток може да доведе до бројни здравствени проблеми. Ова, секако, не значи дека треба да се откажете од кафето во целост, туку да не претерувате со внесот – не пијте повеќе од три кафиња на ден!
Анксиозност
Луѓето кои се борат со анксиозноста всушност треба да одбегнуваат кофеин бидејќи тој може да ги влоши симптомите. Исто така, кофеинот го поткрева нивото на стрес, па можно е после пиењето кафе да се чувствува поголема нервоза од вообичаено.
Желудник
На многумина кои имаат проблем со желудникот всушност им пречи кафето, а за тоа да не се ни свесни. Често болките се припишуваат на храната, но всушност може да се работи и за кафето бидејќи тоа предизвикува лачење желудочна киселина што може да е мошне болно и непријатно.
Забрзана работа на срцето
Преголем внес на кафе може да резултиура со забрзана работа на срцето. Луѓето кои инаку патат од оваа здравствена состојба би требало да се ограничат на едно до две кафиња на ден.
Треперење
Кофеинот го забрзува централниот нервен систем и тоа ве прави нервозни. Ако вака реагирате на кафето, сериозно ограничете го дневниот внес.
Главоболки
Иако мало количество кафе може да помогне кај главоболки, преголемо може да доведе до болки во главата бидејќи сте ја пречекориле дозата кофеин, а тука се подразбираат пет или повеќе кафиња дневно.
