Исклучително скапоцена, зелената салата е присутна на трпезите речиси преку цела година. Од бројните видови најзастапени се путерката и кристал салатата.
Скапоцена е бидејќи содржи дури 95% вода, многу малку калории, а хранливата вредност се состои од изобилие на минерали и витамини. Од минерали најмногу има калциум и железо, како и големи количини на магнезиум, јод, манган, кобалт, никел, силициум и бакар. Од витамините, најприсутни се Ц и Е, каротин и комплекс Б витамини.
Највредната лековита состојка на салатата е млечниот сок, кој содржи т.н. лактукариум. Најмногу го има во коренот, лиснатите здебелени делови и младите стебла. Оваа состојка ја ублажува болката, нервната напнатост и обезбедува спокоен сон.
Како зачин при подготовка на зелената салата, најдобро е да користите соино, сончогледово и маслиново масло, а од оцет јаболков, или лимонов сок, зелени и црни маслинки, разни преливи од лук, магдонос, копар и други зачински тревки.
