Поздраво срце
Содржи влакна, калиум, витамини Ц и Б6 кои придонесуваат за поздраво срце. Нивната висока концентрација на флавоноиди се врзува со намалувањето на ризикот од смртност од кардиваскуларни болести, па дури и кога се внесува во мали количества.
Холестерол
Истражувањата направени врз животни покажале дека консумацијата на модри патлиџани доведува до значително намалување на нивото на холестерол во крвта. Овој зеленчук содржи големи количества хлорогенска киселина, еден од најмоќните активатори на слободни радикали кои можат да се најдат во билките. Киселината го намалува нивото на ЛДЛ – лошиот холестерол, а, исто така, има антиканцерогени, антимикробни и антибактериски својства.
Карцином
Полифенолите во модрите патлиџани имаат антиканцероген ефект; ги штитат ќелиите во телото од штетите предизвикани со движењето на слободните радикали и за возврат спречуваат создавање на тумори и инвазија и ширење на канцерогените ќелии, што ги прави добар сојузник во борбата против ракот.
Когнитивна функција
Истражувањата покажале дека насунинот, соединение кое може да се најде во модрите патлиџани, е моќен антиоксидант кој го олеснува транспортот на хранливите материи до ќелиите за да се подобри когнитивната функција. Исто така, го подобрува и дотокот на крв до мозокот, па спречува ментални пореметувања кои се јавуваат со стареењето. Консумирањето на овој зеленчук дури ја подобрува и меморијата.
Контролирање на тежината
Соединенијата кои се интегрирани во овој зеленчук го зголемуваат чувството на ситост и го намалуваат апетитот, што прави подолго да се чувствуваме сити, па тогаш консумираме малку калории. Затоа овој зеленчук е задолжителен дел од секоја диета.
