Овој широко употребуван зеленчук има висока биолошка, а ниска калориска вредност (24 калотии на 100 грама). Во најголем процент содржи вода, помалку масти и протеини. Содржи големо количество целулоза, аминокиселини холин и триптофан. Изобилува со витамин К, Ц, А, Б6, помалку витамин Б1 и Б2, E, но и минерали – калиум, магнезиум, калциум, фосфор, цинк, селен, бакар, сулфур и фолати. Содржи и забележителни количини на полифенолни состојки кои делуваат противвоспалително.
Зошто зелката е корисна:
- Го прочистува телото од отпадни материи кои се таложат во цревата, ги убива штетните бактерии, го подобрува варењето на храната и оневозможува запек;
- Сокот од свежа зелка може да се користи за лекување на чир на желудник (го регулира растот на Helicobacter pylori во желудникот) и воспаление на дебелото црево;
- Превентивно помага при настинка и кашлица заради богатиот состав на витамини и минерали;
- Присуството на антиоксидани (витамин Ц, бетакаротен, селен), полифеноли, глукозинолати и антоцијани (присутни во црвената зелка) овозможува превенција од разни видови рак. Делуваат заштитно подобрувајќи ги одбрамбените механизми во телото;
- Намалување на холестеролот, подобрување на состојбата на кардиоваскуларниот систем;
- Превентивно против остеопороза;
- Содржи тартронска киселина која го забавува претворањето на шеќерите и јаглехидратите во масти, заради што се препорачува за намалување на телесната тежина;
- Против мамурлак;
- Како облога за ублажување на рани и инфекции на кожа заради своето антибактериско и антивоспалително дејство;
- Ублажување на болката на гради кај жени кои дојат (облоги од листови зелка);
- Лек против скорбут – бидејќи изобилува со витамин Ц.
Важно: Не треба да се претерува со јадењето зелка бидејки може да предизвика појава на гасови и подуеност заради несварливиот присутен шеќер рифиноза, и дијареа (пролив) заради растителните влакна. Луѓе кои примаат лекови против згрутчување на крвта да бидат внимателни, затоа што е богата со витамин К кој го потпомага овој процес. Се препорачува жени доилки да не јадат зелка, бидејќи кај доенчињата може да се појават колики. Пациенти кои страдаат од хипотироидизам се препорачува да избегнуваат консумирање на овој зеленчук бидејки истиот ја намалува искористеноста на јодот во организмот (ова важи за луѓе кои страдаат од оваа болест или се предиспонирани за истата, во спротивно зелката не е фактор кој иницира појава на ваква состојба).
