Освен што се користи во исхраната зелката уште може да се нарече и магнет за „извлекување“ болести од нашиот организам. Доколку чувствувате болки во рацете или нозете, најдобро би било листовите зелка да ги ставите на болното место, да го завиткате и така да преноќите.
Тироидната жлезда е една од најзначајните жлезди во организмот. Таа го поттикнува растот, правилниот метаболизам и функционирањето на дигестивниот тракт. За нормално да функционира добро е да ставате облоги од зелка на вратот. Вратот завиткајте го со завој или шал и оставете да делува преку ноќта.
Понекогаш главоболката се припишува на напрегањето на очите, стрес и замор. Со ставање листови зелка на челото ќе ја ублажите главоболката предизвикана со стрес. За листовите да не се поместуваат носете марама или капа.
Повеќето жени се соочуваат со болка во градите (маститис) за време на доењето.
- Ставете облоги од зелка на градите и ќе ја ублажите болката во голема мерка.
Зелката може да се користи и како облога за отоци.
- Од листовите зелка би требало да се извлечат ’ребрата’, а листовите да се стават на отокот и да се завитка местото. Облогите најдобро е да менуваат на секои 4 часа, а колку е поголем отокот толку почеста треба да е промената.
рвената зелка е со сличен вкус како и зелената, а притоа обилува со дополнителни фитонутритиенти кои придонесуваат за подобро кардиоваскуларно и дигестивно здравје. Кога се витамините и минералите во прашање, црвената зелка содржи витамини А, Б6, Ц и витамин К, како и калиум. Претставува одличен извор на антиоксиданти (каротеноиди и флавоноиди) благодарение на кои помага во борбата против воспаленија кои често водат кон хронични болести.
- Црвената зелка како лек
Антоцијанинините, флавоноиди заслужни за виолетовата боја на овој тип зелка, помагаат во регулирањето на зголемениот крвен притисок и превенцијата од кардиоваскуларни заболувања. Овие антиоксиданти заедно со сулфорафанот, кој, исто така, се наоѓа во црвената зелка помагаат во превенцијата од рак на дебелото црево. Истражувања покажале и дека исхраната богата со зеленчук од оваа фамилија може да се поврзе со понизок ризик од рак на дојка.
И конечно, благодарение на високата содржина на растворливи влакна, црвената зелка поволно делува и на пробиотските бактерии во цревата. А ги ублажува и гастроинтестиналните пореметувања како што се синдромот на иритабилен колон и улцеративен колитис.
Сокот од зелка
- Зелката е едно од најраспространетите растенија на нашето поднебје. Може да се најде речиси во секој период од годината по пристапна цена и е незаобиколна во исхраната на секое семејство. Дополнтелно, зелката е многу здрава и лековита и може да се употребува за превенција и за ублажување на симптоми на повеќе болести.Иако не е особено вкусен, сокот од зелка е исклучително здрав и има многу предности.
Зелката е извор на влакна и бета-каротен, како и на витамини К, Е, Ц, Б1 и Б 6 како и на железо, магнезиум, јод и калциум. Истражувањата покажуваат дека со секојдневна консумација на свеж сок од зелка може да се подобри здравјето и да се превенира појавување на повеќе болести.
Го намалува ризикот за појава на карцином
Сокот од зелка има моќно антиканцерогено дејство и намалува ризик од појава на рак на града, дебело црево, црн дроб, бели дробови и јајници.
Го јакне имунитетот
Истражувањата покажуваат дека зелката го зајакнува имунитетот и штити од настинки и инфекции, а добра е и за ублажување на симптомите на алергии
Го штити срцето
Зелката е одличен извор на селен, кој го намалува ризикот од кардиоваскуларни болести, висок притисок и мозочен удар.
Ја поттикнува работата на мозокот
Благодарение на високиот удел на витамин К и антоцијанин, зелката ја подобрува концентрацијата, фокусирањето и помнењето.
- Освен што ја спречува авитаминозата, ја лекува слузокожата на органите за варење, а топлата супа од зелка, го олеснува искашлувањето и ја смирува надразнетоста на хранопроводот. За слабокрвните лица се препорачува сирова зелка или варена на пареа, бидејќи содржи изобиство од неопходни минерални соли, витамини, како и хлорофил.
Во народната медицина сокот од зелка се препорачува како терапија на чир во желудникот. Овој лековит напиток би требало да се консумира меѓу оброците, а доколку предизвикува пречки при варењето, еден час после јадењето. Во тој случај, пред оброкот треба да се испие чај од камилица и ким.
За да добиете сок, исецкајте 500 гр зелка, сомелете ја, малку посолете ја и оставете ја да отстои. Потоа исцедете ја зелката преку газа, а сокот чувајте го во фрижидер.
Супата од зелка подгответе ја на следниот начин: во тенџере загрејте 3 супени лажици масло, кратко запржете 2 супени лажици брашно, па додадете исецкани листови од зелка. Помешајте и залијте со вода до саканата густина. Варете ја со додаток на ловоров лист, бибер и биозачини. Кога зелката ќе омекне, додадете чешче исецкано лукче, листови од магдонос и целер и 2 супени лажици кисела павлака.
