Сите имаме влакна на телото и на лицето, допаѓало ни се тоа нам или не. Тоа е нормална појава и нема причина за загриженост. Но, ако влакната ја промениле структурата и почнале да растат на места на кои претходно ги немало, тоа може да биде знак за некој здравствен проблем.
Прекумерната влакнетост кај жените на места кои се типични за мажите (мустаќи, брада, средината на градниот кош, рамената, долниот дел од стомакот, грбот…) се нарекува хирзутизам.
Велус влакната се многу ситни, тенки и едвај забележливи и се наоѓаат по целото тело. Терминалните влакна пак се многу подолги, појаки, најчесто потемни и обично се јавуваат во периодот на пубертетот.
Што се може да доведе до ненадејна влакнетост:
ХОРМОНАЛНА НЕРАМНОТЕЖА
Наглиот раст на влакната може да биде предизвикан од нерамнотежа на машкиот хормон. Ако нивото на тестостерон се зголеми, телото има премногу машки хормони и почнува да се однесува во склад со својата состојба. Уште една ситуација која доведува до истиот резултат е намалувањето на нивото на естроген, што може да биде резултат на менопауза. Во секој слуачј, проверете го нивото на хормоните.
ПРОБЛЕМИ СО НАДБУБРЕЖНАТА ЖЛЕЗДА
Надбубрежните жлезди се наоѓаат над бубрезите и ако не работат како што треба, хормоналната рамнотежа се менува, а прекумерниот раст на влакна на телото е еден од најчестите симптоми.
Останати симптоми вклучуваат:
- Висок крвен притисок
- Дебелеење во горниот дел од телото
- Прениско или превисоко ниво на шеќер во крвта
- Главоболки
- Слабост на мускулите
СИНДРОМ НА ПОЛИЦИСТИЧНИ ЈАЈЧНИЦИ
Ова е уште еден чест причинител на хирзутизам. Ако покрај влакнетоста имате и нередовни менструални циклуси, многу голема е веројатноста да станува збор за синдром на полицистични јајчници. Овој синдром го карактеризираат зголемени јајчници кои содржат мала количина на течности насобрана во фоликули.
Остантите симптоми вклучуваат:
- Промена на расположението
- Главоболки
- Замор
- Проблеми со спиењето
ТУМОР
Доколку хирзутизамот се појави многу изненадно, за само неколку месеци, и ако притоа нивото на тестостерон и DHEA е зголемено, треба да побарате лекарски совет. Можно е да станува збор за тумор кој отпушта машки хормони и така ја менува хормоналната слика во телото, и затоа доаѓа до зголемена влакнетост.
