Малку работи можат да го освежат човекот како водата, но и покрај тоа повеќето од нас повеќе сакаат да пијат сокови, кафе или пиво, а тоа што во „недостаток на време“ не се пие ни капка вода може да доведе до низа здравствени последици затоа што на возрасен човек на дневно ниво му се потребни минимум два литри вода. Телото предупредува кога му недостасува вода, а ова се најчестите симптоми:
Сува кожа
Кожата е најголемиот орган и мора постојано да се хидрира. Сувата кожа е најран знак за дехидратација, а таа може да доведе до поголеми здравствени проблеми. Помалку вода значи и помалку пот и послаба борба со нечистотијата и маснотијата која се насобира во текот на денот. Заради тоа водата е еден од најдобрите пријатели на кожата.
Сува уста
Сувата уста е најочигледниот симптом дека на луѓето им недостасува вода. Меѓутоа многумина прават грешка, па се фаќаат за засладени пијалаци, а тоа е всушност само привремено решение. Водата ја навлажнува мембраната на грлото и устата, па устата нема да се суши подолго во однос на тоа кога ќе испиете сок.
Претерана жед
Претераната жед не се јавува често, но повторно е регуларна појава. До неа доаѓа кога, на пример, на работа забораваме да пиеме вода или се будиме мамурни. Тогаш ни неколку чаши вода не можат да ја згаснат, барем не моментално. Заради тоа е важно да се хидрираме, па дури и во текот на, на пример, моментите на забава.
Суви очи
Водата не влијае само на устата и грлото. Недостатокот на вода во организмот може да резултира и со појава на суви и „крвави“ очи. Причина се солзите кои не можат да се лачат доколку не консумирате вода. Ова може да направи голем проблем, особено кај луѓето кои носат леќи.
Болка на повеќе места
Водата сочинува 80 отсто од ’рскавицата и дисковите во ’рбетот. Заради тоа редовниот внес на вода е исклучително важен. Исто така, за време на движењето коските се допираат, а тој притисок се намалува ако телото е хидрирано. Така се одбегнува појава на болка на повеќе места во телото. Ако и покрај хидрираноста на телото болката се јавува и понатаму, обавезно појдете на лекар.
Намалување на мускулната маса
Најголем дел во составот на мускулите има водата, па со нејзино помало консумирање се намалува и мускулната маса. Внесот на вода пред, за време и по вежбање е мошне битен заради хидратација, но и заради правилен развој на мускулите. Се намалува можноста за појава на воспаленија.
Вишок токсини
Редовната хидратација му овозможува не телото да ги исфрла токсините. Меѓутоа кога телото е дехидрирано, не може да се избори со отровите, па е приморано да „извлекува“ вода од крвта, а тоа може да доведе до појава на поголеми здравствени проблеми.
Умор и летаргија
Кога организмот е дехидриран, приморан е да ја „извлекува“ водата од крвта, а тоа доведува до недоволен доток на кислород во органите, а како последица се јавуваат поспаност и умор. Недостатокот на сила, исто така, доведува до летаргија и нерасположение.
Често чувство на глад
Дехидратацијата создава чувство на глад. Тоа се случува во текот на денот, но и навечер кога добиваме неверојатна желба нешто да изедеме. Внесот на храна може да му направи на организмот дополнителна работа заради отежнатото варење, а поголемиот внес на вода го чисти организмот и го продолжува чувството на ситост.
Дигестивни проблеми
Недостатокот на вода може да предизвика и проблеми со дигестивниот систем затоа што таа овозможува подобра работа на желудникот. При дехидратација доаѓа до отежнато варење, што резултира со надуеност и нерасположение, а чести се и „киселините“.
Предвремено стареење
Организмот со текот на времето во себе таложи се помалку вода, а тоа предизвикува стареење, што најмногу се гледа на кожата. Заради тоа стручњаците препорачуваат внесот на вода да се зголемува во текот на животот. Меѓутоа предвремената старост влијае и на внатрешното стареење на организмот. Редовниот внес на вода ја спречува оваа несакана појава.
