Железото е една од најважните материи за здравје и расположение за секој од нас. Спроведувајќи свеж кислород во крвотокот, железото го поткрева нивото на енергија, ја обновува силата и ја спречува чувствителноста на мускулите кај луѓето кои вежбаат. Иако сите сметаат дека говедското месо е најдобар извор на железо, постојат многу подобри извори на оваа неопходна материја. Всушност околу 85 г говедско месо содржат само 2,75 мг железо. Затоа почнете да ги консумирате овие пет намирници кои се далеку побогати со железо од популарното говедско.
ГРАВ
Околу 220 грама грав содржат 4 милиграма железо, 225 калории и неверојатни 40 грама протеини. Најдобро е да се користи во салатите или како додаток во пржена форма.
ОСТРИГИ
Околу 85 грама остриги содржат 6,7 милиграми железо, што е околу третина од дневната препорачана доза. Остригите содржат и протеини и минерали, меѓу кои доминира цинкот.
СУСАМ
Околу 40 грама од овие крцкави, вкусни семки содржат дури 5,2 милиграми железо. Додајте сусам во својата следна салата или мешавина од житарки. Но внимавајте, не претерувајте, затоа што сусамот е богат и со масти. На околу 40 грама сусам има 17 грама масти.
ЛЕЌА
Освен што има одличен вкус, 200 грама варена леќа содржи скапоцени 6,95 милиграми железо. Освен тоа ќе внесете и околу 50 грама комплексни јаглехидрати и 18 грама протеини.
СПАНАЌ
Можеби веќе ви е познатo дека спанаќот е главна ѕвезда кога станува збор за железото. Околу 230 грама варен спанаќ содржи 6,4 милиграми железо, а само 40 калории.
